ސްރީލަންކާ ބޮޑުވަޒީރުކަމުގެ ހުވާ މަހިންދަ ރާޖަޕަކްސަ ކުރައްވައިފި

ސްރީލަންކާގެ ކުރީގެ ރައީސް މަހިންދަ ރާޖަޕަކްސަ އެޤައުމުގެ ބޮޑުވަޒީރުކަމުގެ ހުވާ މިއަދު ކުރައްވައިފިއެވެ.

ހުވާ ކުރެއްވުމުގެ ރަސްމިއްޔާތު ބާއްވާފައިވަނީ އާދިއްތަ ދުވަހުގެ ހެނދުނުއެވެ.

ލަންކާގައި މިއަހަރުގެ އޮގަސްޓް މަހު ބޭއްވި ރިޔާސީ އިންތިހާބުގައި މަހިންދަ ރާޖަޕްކަސަށް ވަނީ ގިނަ އަދަދެއްގެ ވޯޓު ލިބިވަޑައިގެންފައެވެ. އެގޮތުން ލަންކާގެ ތާރީހުގައި ވެސް ކެންޑިޑޭޓަކަށް ނުލިބޭހޭ ގިނަ ވޯޓު އެމަނިކުފާނަށް ލިބިވަޑައިގެންނެވިއެވެ.

ލަންކާގައި ބޭއްވި އިންތިޚާބުގައި 72 ގޮނޑި ކާމިޔާބު ކޮށްފައި ވަނީ ރާޖަޕަކްސަގެ ޕޮޑުޖަނަ ޕާޓީ (އެސްއެލްޕީޕީ)އިންނެވެ. އަދި ސަޖިތު ޕްރޭމަދާސަގެ ޔުނައިޓެޑް ޕީޕަލްސް ފްރޮންޓް (އެސްޖޭބީ) އެލަޔަންސަށް ލިބިފައި ވަނީ 23 ގޮނޑި ކަމަށް ރިޕޯޓުތަކުން ބުނެއެވެ.

މިއަދު ލަންކާއިން ދެކެމުން އަންނަ ޒަމާނީ ތަރައްގީގެ ބާނީ އަކީ ނުވަތަ މޭސްތިރި އަކީ މަހިންދަ ރާޖަޕަކްސަގެ ގޮތުގައި އެޤައުމުގެ ގިނަ ރައްޔިތުން ސިފަކުރެއެވެ.