ޖަޕާނުގެ ހިލޭ އެހީގެ ދަށުން 24 ދިވެއްސަކަށް ސްކޮލަރޝިޕް ފުރުސަތު
އްޖޭގެ ފަރާތުން ސޮއި ކުރައްވާފައިވަނީ ފޮރިން މިނިސްޓަރ އަބްދުﷲ ޝާހިދު
ފޮރިން މިނިސްޓްރީގައި މީގެ ކުރިން ބޭއްވި ރަސްމިއްޔާތެއްގައި ޖަޕާނުން ރާއްޖެއަށް ކަނޑައަޅާފައި ހުންނަވާ ސަފީރު ކެއިކޯ ޔަނާއީ ފޮރިން މ،ިނިސްޓަރ ޝާހިދާއެކު
ޖަޕާނު ސަރުކާރުގެ ހިލޭ އެހީގެ ދަށުން 24 ދިވެއްސަކަށް ސްކޮލަރޝިޕް ފުރުސަތު ހަމަޖައްސައިދީފިއެވެ.
ރާއްޖޭގައި ހުންނަ ޖަޕާނުގެ އެމްބަސީން ބުދަ ދުވަހު ނެރުނު ބަޔާނެއްގައި ބުނީ، ފޮރިން މިނިސްޓްރީގައި ބޭއްވި ރަސްމިއްޔާތެއްގައި ހިއުމަން ރިސޯސް ޑިވޮލޮޕްމަންޓް ސްކޮލަރޝިޕް (ޖޭޑީއެސް) ގައި ސޮއި ކުރައްވާފައިވަނީ ޖަޕާނުން ރާއްޖެއަށް ކަނޑައަޅާފައި ހުންނަވާ ސަފީރު ކެއިކޯ ޔަނާއީ ކަމަށެވެ. އަދި ރާއްޖޭގެ ފަރާތުން ސޮއި ކުރައްވާފައިވަނީ ފޮރިން މިނިސްޓަރ އަބްދުﷲ ޝާހިދެވެ.
ޖަޕާނު ސަރުކާރުން ރާއްޖެއަށް ހަމަޖައްސައިދިން ސްކޮލަރޝިޕަކީ އެ ޤައުމުގެ ސަރުކާރުން ފަންޑުކޮށްގެން ކުރިއަށްގެންދާ ސްކޮލަރޝިޕް ތަކެކެވެ. އެގޮތުން ޖަޕާނުގެ އެންމެ މަތީ ޔުނިވަރސީޓީތަކުން ސޯޝަލް ސައިންސުން މާސްޓަރސް ޑިގްރީ ހާސިލު ކުރުމަށް ފުރުސަތު ދެވިގެންދާނެ ކަމަށް ބަޔާނުގައި ބުނެފައިވެއެވެ.
އޭގެ އިތުރުން، މި ސްކީމުގެ ދަށުން 24 ފަރާތަކަށް ސްކޮލަރޝިޕްގެ ފުރުސަތު ހުޅުވާލެވޭނެކަމަށް ބުނެފައިވެއެވެ.
ޖަޕާނު ސަރުކާރުން ހަމަޖައްސައިދިން މި އެހީގެ ޖުމުލަ އަގު 1.2 މިލިއަން އެމެރިކާ ޑޮލަރަށް އަރާނެކަމަށް ޖަޕާނުގެ އެމްބަސީން ބުނެފައިވެއެވެ.
