ޑީއާރްޕީގެ ތަރުޖަމާނަކަށް މޭނާ ހައްސާން ހަމަޖައްސަައިފި
އަލީ ސަމާޚް | 5 އޯގަސްޓު 2020 | ބުދަ 03:53
މަޝްހޫރު ލަވަކިޔުންތެރިޔާ މޭނާ ހައްސާން
ރާއްޖޭގައި އުފެދުނު އެންމެ މޮޅު އެއް ލަވަކިޔުންތެރިޔާ، މޭނާ ހައްސާނު ދިވެހި ރައްޔިތުންގެ ޕާޓީ (ޑިއާރްޕީ) އަށް ސޮއިކޮށްފިއެވެ.
މޭނާ ހައްސާނު ޑީއާރްފީ އަށް ސޮއިކުރިކަން ހާމަކުރީ އެ ޕާޓީގެ ލީޑަރު އަދި ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބީރު ޓްވިޓާގައި ހިއްސާކުރެއްވި ވީޑިއޯއެއްގައެވެ. ހައްސާން ސޮއިކުރުމާއެކު އޭނާއަށް ވަނީ ޑީއާރްޕީގެ ސްޕޯކްސްޕަރސަންގެ މަގާމު ދީފައެވެ.
ޖާބިރު ވިދާޅުވީ، އޭނާއަކީ މޭނާ ހައްސާންގެ އެންމެ ބޮޑު އެއް ސަޕޯޓަރު ކަމަށެވެ. ހައްސާން ވިދާޅުވީ، ޑީއާރްޕީއަށް ސޮއިކުރެއްވީ ދިވެހި ރައްޔިތުން އެންމެ ލޯބިވާ ޕާޓީއަކަށް ޑީއާރްޕީ ހެދުމުގެ ހެޔޮ ނިޔަތުގައި ކަމަށެވެ.
