ޓޫރިޒަމް މިނިސްޓްރީގެ ޚިދުމަތްތައް އޮންލައިންކޮށް ދޭގޮތަށް ހަމަޖައްސައިފި
4 އޯގަސްޓު 2020 | އަންގާރަ 16:49ކައުންޓަރުން ދެމުންދާ ހުރިހާ ޚިދުމަތްތަކެއް ދޭނެ
ކޮވިޑް-19އާ ގުޅިގެން ސަރުކާރުގެ އޮފީސްތައް މިމަހުގެ 04 ވަނަ ދުވަހު ވަނީ ބަންދުކޮށްފައި
ކޮވިޑް-19އާ ގުޅިގެން ސަރުކާރުގެ އޮފީސްތައް ބަންދު ކުރުމާއި ޓޫރިޒަމް މިނިސްޓްރީގެ ޚިދުމަތްތައް އޮންލައިންކޮށް ދޭގޮތަށް ހަމަޖައްސައިފިއެވެ.
ޓޫރިޒަމް މިނިސްޓްރީން ބުނީ މާލޭގައި ހަލުވިކަމާއިއެކު ފެތުރެމުންދާ ކޮވިޑްގެ ބަލިމަޑުކަމާއި ގުޅިގެން އޮގަސްޓް މަހުގެ 4ން ފެށިގެން 8 ގެ ނިޔަލަށް ސަރުކާރު އޮފީސްތައް ނުހުޅުވާގޮތަށް ރައީސުލްޖުމްހޫރިއްޔާ ކަނޑައަޅުއްވާފައިވާތީ މިދުވަސްތަކުގައި މިނިސްޓްރީގެ ކައުންޓަރުން ދޭ ހުރިހާ ޚިދުމަތްތައް ދެމުންގެންދާނީ އޮންލައިންކޮށް ކަމަށެވެ.
އެގޮތުން ޓޫރިސްޓް ފެސިލިޓީ ރެޖިސްޓްރޭޝަން އާއި ގުޅޭ އެންމެހާ ޚިދުމަތްތަކަށް rs@tourism.gov.mv ، އައު އާންމު ހާލަތުގައި ޓޫރިސްޓް ފެސިލިޓީތައް ހުޅުވުމަށް ބޭނުންވާ އެންމެހާ ޚިދުމަތްތަކަށް qa@tourism.gov.mv، ކޮވިޑް އާއި ގުޅުންހުރި މަޢުލޫމާތު ސާފުކުރުމަށް smutourism.gov.mv އަދި އެހެނިހެން މައުލޫމާތު ސާފުކުރުމަށް info@tourism.gov.mv މެއިލް ކުރުމަށް އެދޭ ކަމަށް ޓޫރިޒަމް މިނިސްޓްރީން ބުނެއެވެ.
މައުލޫމާތެއް ސާފުކުރުމަށް ބޭނުންވާ ފަރާތްތަކުން މިނިސްޓްރީގެ ހޮޓްލައިން 7223131 އަށް ގުޅުމަށް ވަނީ އެދިފައެވެ.
