އޭސީސީގެ ހިދްމަތްތައްވެސް މިހަފްތާގައި އޮންލައިންކޮށް!

ކޮވިޑް-19 ފެތުރުން ކޮންޓްރޯލް ކުރުމުގެ ގޮތުން ސަރުކާރުގެ އޮފީސްތައް މިމަހުގެ 4ން 6ށް ނުހުޅުވާގޮތަށް ސަރުކާރުން ނިންމާފައިވާތީ، އެންޓި ކޮރަޕްޝަން ކޮމިޝަން (އޭސީސީ) ފޯރުކޮށްދޭ ހިދްމަތްތައް އޮންލައިންކޮށް ދިނުމަށް ނިންމާފައިވާ ކަމަށެވެ.

އޭސީސީން ބުނީ، މިމަހުގެ 04 އިން 06ގެ ނިޔަލަށް ސަރުކާރު އޮފީސްތައް ނުހުޅުވާގޮތަށް ހަމަޖައްސާފައިވާތީ، އެކޮމިޝަނުން އާންމުންނަށް ދެމުންގެންދާ ޚިދުމަތްތައްވެސް މެދުނުކެނޑި ކުރިއަށް ގެންދިއުމަށް ހަމަޖެހިފައިވާކަމަށެވެ. ސަރުކާރު ބަންދު ދުވަސްތަކުގައި ކޮމިޝަނުން އާއްމުންނަށް ހިދުމަތް ދިނުމަށް ހަމަޖެހިފައިވަނީ ސިޓީއާއި، ކުށުގެ ރެކޯޑް ސާފުކުރާ ފޯމް އަދި އެހެނިހެން ލިޔެކިޔުންތައް ކޮމިޝަނަށް އީމެއިލްކުރުމުން ކަމަށް އޭސީސީ އިން ބުނެއެވެ.

މިދުވަސްވަރު، ކޮވިޑް-19އަށް ޕޮޒިޓިވްވާ މީހުން ގިނަ ވެފައިވާތީ، ސަރުކާރުން ވަނީ އޮފީސްތައް ބަންދުކުރުމަށް ނިންމާފަ އެވެ. ކޮވިޑް-19 އިން ރައްކާތެރިވުމަށް އަޅާ މިފަދަ ފިޔަވަޅުތަކުގެ ތެރެއިން ސަރުކާރުގެ އޮފީސްތައް ބަންދު ކުރިނަމަވެސް، ގޭގައި ތިބެގެން ކުރެވެން ހުރި މަސައްކަތްތައް، ގޭގައި ތިބެގެން ކުރިއަށް ގެންދިއުމަށާއި، ސަރުކާރުގެ އިދާރާތަކުން އޮންލައިންކޮށް ދެވެން ހުރި ހުރިހާ ހިދުމަތްތަކެއް އޮންލައިންކޮށް ދިނުމަށް ރައީސް އޮފީހުންވަނީ އަންގާފަ އެވެ.