އިލެކްޝަންސް ކޮމިޝަނުން ފޯރުކޮށްދޭ ބައެއް ހިދުމަތްތައް ވަގުތީ ގޮތުން މެދުކަނޑާލައިފި
ހިދުމަތު ދެމުން ދާނީ ކޮމިޝަނުގެ އީމެއިލް އަދި އީ-ގަވަރމެންޓް (ޖެމްސް) info@elections.gov.mv މެދުވެރިކޮށް
އިލެކްޝަންސް ކޮމިޝަނުގެ މެމްބަރުންނާއި އެކޮމިޝަނުގެ އިސްވެރިން: ކޮވިޑް-19 އާގުޅިގެން ކޮމިޝަނަށް ހާޒިރުވެ ހޯދާ ހިދުމަތްތައް މިވަނީ މެދުކަނޑާލާފައި
ހަލުވިކަމާއެކު ރާއްޖޭގައި ފެތުރެމުންދާ ކޮވިޑް-19އަށް ޕޮޒިޓިވްވާ މީހުން ގިނަކަން ފާހަގަކުރެވޭތީ، އިލެކްޝަންސް ކޮމިޝަނުން ދެމުން ގެންދާ ބައެއް ހިދުމަތްތަކަށް ބަދަލު ގެނެސްފިއެވެ.
އިލެކްޝަންސް ކޮމިޝަނުން ހޯމަ ދުވަހު ކޮށްފައިވާ އިއުލާނެއްގައި ބުނެފައިވަނީ، ރާއްޖޭގައި ހަލުވިކަމާއެކު ކޮވިޑް-19 ފެތުރެމުންދާތީ، އާންމު ފަރާތްތަކުން ކޮމިޝަނަށް ހާޒިރުވެ، ހޯއްދަވަމުން ގެންދަވާ ހިދުމަތްތައް މެދުކަނޑާލާފައިވާ ކަމަށެވެ. އަދި ކޮމިޝަނުން ވަކިގޮތެއް އަންގަންދެން މި މަހުގެ 4ން ފެށިގެން ކޮމިޝަނުން ދެމުންދާ އާންމު ހިދްމަތްތައް ފޯރުކޮށްދެމުންދާނީ، ކޮމިޝަނުގެ އީމެއިލް އަދި އީ-ގަވަރމެންޓް (ޖެމްސް) info@elections.gov.mv މެދުވެރިކޮށް ކަމަށެވެ.
އިލެކްޝަންސް ކޮމިޝަނުން ބުނީ، ކޮމިޝަނުން ވަކިގޮތެއް ކަނޑައަޅަންދެން، މިމަހުގެ 4ން ފެށިގެން އެ ކޮމިޝަނުގެ ރަސްމީ ދުވަސް ދުވަހުގެ، ރަސްމީ ގަޑިއަކީ ހެނދުނު ހެނދުނު 09:00ން ފެށިގެން 13:00ށް ކަމަށެވެ.
އިލެކްޝަންސް ކޮމިޝަނުން އިތުރަށް ބުނީ، އެކޮމިޝަނުން ދެމުންގެންދާ ހިދުމަތެއް ލަސްވާނަމަ ނުވަތަ އިތުރު މައުލޫމާތެއް އޮޅުންފިލުވުމަށް ބޭނުންނަމަ، ކޮމިޝަނުގެ ސެކްރެޓަރީ ޖެނެރަލް، ހަސަން ޒަކަރިއްޔާ (މޮބައިލް ނަމްބަރު: 9867422) އަށް މެސެޖް ކުރުމަށް އެދޭ ކަމަށެވެ.
ރާއްޖޭގައި މިހާތަނަށް އެއްދުވަހެއްގައި އެންމެ ގިނަ މީހުން ކޮވިޑް-19ށް ޕޮޒިޓިވްވެފައިވަނީ އާދިއްތަ ދުވަހު (އިއްޔެ) އެވެ. މިހާތަނަށް ރާއްޖެއިން 4164 މީހަކު ކޮވިޑަށް ޕޮޒިޓިވް ވެފައިވެއެވެ.
