ހެލްތް ޕްރޮޓެކްޝަން އެޖެންސީ (އެޗްޕީއޭ) ގެ މިންގަނޑުތަކާއި ޚިލާފްވެގެން އާދިއްތަ ދުވަހު އެކަނިވެސް 22 ތަނެއް ބަންދު ކޮށްފިއެވެ.
އެޗްޕީއޭ އިން ދަނީ އެ އެޖެންސީން އާއްމުކޮށްފައިވާ އުސޫލުތަކާއި އެއްގޮތަށް ގްރޭޓަރ މާލެ ސަރަހައްދުގައި ހިމެނޭ ކެއިން ބުއިމުގެ ހިދުމަތްތައް ދޭ ތަންތަނާއި، އާއްމު ކާބޯތަކެތި ވިއްކާ ފިހާރަތަކާއި، ޖިމް ނުވަތަ ފިޓްނަސް ސެންޓަރުތަކާއި، ސެލޫން އަދި މާރުކޭޓް ފަދަ ތަންތަން އަމަލުކުރަމުންދޭތޯ ބެލުމަށްޓަކައި ހާއްސަ އޮޕަރޭޝަނެއް ފަށާފައެވެ.
މި އޮޕަރޭޝަންގެ ދަށުން އާދިއްތަ ދުވަހު ވަނީ 135 ތަނެއް ބަލައި ފާސްކޮށްފައެވެ. އޭގެ ތެރެއިން 22 ތަނެއް އެޗްޕީއޭގެ މިންގަޑުތަކައި ޚިލާފްވުމުގެ ސަބަބުން ބަންދުކޮށްފައިވާ ކަމަށް އެޗްޕީއޭއިން މައުލޫމާތު ދެއެވެ.
އެޗްޕީއޭއިން އާދިއްތަ ދުވަހު ބަލައި ފާސްކޮށްފައިވަނީ ހަތަރު ސެލޫނަކާއި ނުވަ ފިހާރަ، ހަތް ކެފޭ އަދި ރެސްޓޯރެންޓް، އެއް ސްޕާރ އަދި އެއް މާރކެޓެވެ.
