ޅ. ހިންނަވަރުން ކޮވިޑަށް މީހަކު ޕޮޒިޓިވްވެއްޖެ
31 ޖުލައި 2020 | ހުކުރު 13:30ހިންނަވަރުން ކޮވިޑް-19 އަށް ޕޮޒިޓިވްވެފައިވަނީ އުމުރުން 33 އަހަރުގެ ފިރިހެނެއް
ޅ. ހިންނަވަރު: ހިންނަވަރުން ކޮވިޑަށް ޕޮޒިޓިވްވެފައިވަނީ 33 އަހަރުގެ ފިރިހެނެއް
ޅ. ހިންނަވަރުން ކޮވިޑް-19 އަށް މީހަކު ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ހިންނަވަރުން ކޮވިޑް-19 އަށް ޕޮޒިޓިވްވެފައިވަނީ އުމުރުން 33 އަހަރުގެ ފިރިހެނެއް ކަމަށެވެ.
ހިންނަވަރު ސިއްހީ މަރުކަޒު އޮފިޝަލަކު "ރާއްޖެއެމްވީ" އަށް މައުލޫމަތު ދެމުން ބުނީ ހިންނަވަރުން ޕޮޒިޓިވްވެފައިވަނީ މާލެއިން އެ ރަށަށް ގޮސް ހޯމް ކަރަންޓީނުގައި ހުރި މީހެއް ކަމަށާއި، ކަރަންޓީނުގެ މުއްދަތު ހަމަކޮށް ބުރާސްފަތި ދުވަހުނެގި ޓެސްޓުގެ ނަތީޖާއިން އޭނާ ކޮވިޑް-19 އަށް ޕޮޒިޓިވްވެފައިވާ ކަމަށެވެ. އަދި މިހާރު ކުރަމުންދަނީ އޭނާގެ ކޮންޓެކްޓް ޓްރޭސިންގްގެ މަސައްކަތް ކަމަށް ވެސް ބުންޏެވެ.
މާލޭގެ އިތުރުން ރާއްޖޭގެ ބައެއް ރަށްރަށުން ވެސް އަންނަނީ ކޮވިޑް-19 ގެ ކޭސްތައް ފެންނަމުންނެވެ. އެގޮތުން މިހާތަނަށް ރާއްޖޭގެ 10 ރަށަކުން ކޮވިޑް-19 މީހުން ވަނީ ޕޮޒިޓިވްވެފައެވެ.
