ހައްުޖުވެރިންނަށް ހަދިޔާ ދީފި
ހަދިޔާގެ ތެރޭގައި ހިމެނެނީ ބަލިން ރައްކާތެރި ވުމަށް މުހިންމު ތަކެތި
ހައްޖުވެރިން ކޮވިޑް ބަލިން ރައްކާތެރި ކުރުމަށް މާސްކް އެޅުން ސައުދީ ސަރުކާރުން ވަނީ މަޖުބޫރު ކޮށްފައި
ހައްޖުވެރިންނަށް ސައުދީ ސަރުކާރުން ހަދިޔާ ބަހައިފިއެވެ.
ހުރުމަތްތެރިވެގެންވާ ދެ މިސްކިތާ ބެހޭ އޮފީހުގެ ފަރާތުން ވަނީ ކޮންމެ ހައްޖުވެރިއަކަށް ހަދިޔާއެއް ދީފައި ކަމަށް ސައުދީ ޕްރެސް އޭޖެންސީން ބުނެފައިވެއެވެ.
މިއީ "ހައްޖުވެރިންނަށާއި ޒިޔާރަތް ކުރާ މީހުންނަށް ޚިދުމަތް ކުރުމަކީ ފަޚުރެއް" މި ކެމްޕޭންގެ ދަށުން ދިން ހަދިޔާ ކަމަށްވެސް ހާމަކޮށްފައިވެއެވެ.
ހައްޖުވެރިންނަށް ދިން "ގިފްޓް ޕެކް" ގެ ތެރޭގައި ހިމެނެނީ، ސްޓެރެލައިޒާ އާއި ފޭސް މާސްކާއި، ތެތް ޓިޝޫ ކަރުދާހާއި، މުސައްލަ އަކާއި ކުޑައެކެވެ. މިއީ މައިގަނޑު ގޮތެއްގައި ކޮވިޑުން ރައްކާތެރި ވުމަށް އާއްމުކޮށް ބޭނުންކުރާ ތަކެއްޗެވެ.
މި އަހަރުގެ ހައްޖުގެ އަޅުކަމުގެ ތެރޭގައި ކޮރޯނާ ވައިރަސް ފެތުރަނަ ނުދިނުމަށް ސައުދީ ސަރުކާރުން ވަނީ ގިނަ ގުނަ ފިޔަވަޅުތަކެއް އަޅާފައެވެ.
