އެޗްޕީއޭގެ އުސޫލުތަކާއި ހިލާފަށް ހިންގި 27 ތަނެއް ބަންދުކޮށްފި
30 ޖުލައި 2020 | ބުރާސްފަތި 04:44އެޗްޕީއޭއިން ވަނީ އިންސްޕެކްޝަނެއް ފަށާފައި
މާލޭގެ ރެެސްޓޯރެންޓެއް
ހެލްތް ޕްރޮޓެކްޝަން އެޖެންސީ (އެޗްޕީއޭ) ގެ ގައިޑްލައިންތަކާއި ހިލާފަށް ހިންގި 27 ތަނެއް ބަންދުކޮށްފިއެވެ.
އެޗްޕީއޭ އިން ވަނީ ބުދަ ދުވަހުން ފެށިގެން އެ އެޖެންސީން އާއްމުކޮށްފައިވާ އުސޫލުތަކާއި އެއްގޮތަށް ގްރޭޓަރ މާލެ ސަރަހައްދުގައި ހިމެނޭ ކެއިން ބުއިމުގެ ހިދުމަތްތައް ދޭ ތަންތަނާއި، އާއްމު ކާބޯތަކެތި ވިއްކާ ފިހާރަތަކާއި، ޖިމް ނުވަތަ ފިޓްނަސް ސެންޓަރުތަކާއި، ސެލޫން އަދި މާރުކޭޓް ފަދަ ތަންތަން އަމަލުކުރަމުންދޭތޯ ބެލުމަށްޓަކައި ހާއްސަ އޮޕަރޭޝަނެއް ފަށާފައެވެ. އެގޮތުން ހިންގި އިންސްޕެކްޝަންގެ ދަށުން ބުދަ ދުވަހުގެރެއާ ހަމަޔަށް 52 ތަނެއް ވަނީ އިންސްޕެކްޓް ކޮށްފައެވެ.
އޭގެ ތެރެއިން މިހާތަނަށް 27 ތަނެއް ވަނީ ބަންދުކޮށްފައެވެ. އެއީ އެއް ސެލޫންއާ ނުވަ ފިހާރައިގެން އިތުރުން 17 ކެފޭ އަދި ރެސްޓޯރެންޓްއެވެ.
އެޗްޕީއޭއިން ބުނީ، ނިއު ނޯމަލްގެ ހާލަތައް ރުޖޫއަވުމަށްޓަކައި އާއްމު ހިދުމަތްދޭ ތަންތަނުގައި ރައްކާތެރިކަމާއެކު ހިދުމަތް ދިނުމުގެ އިންތިޒާމް ހަމަޖެއްސުމަކީ ކޮވިޑް-19 ފެތުރެން މަދުކުރުމަށް އެޅޭ މުހިއްމު ފިޔަވަޅެއް ކަމަށެވެ.
