ކޮވިޑް-19 އާ ގުޅިގެން އިގްތިސާދަށް ވަރަށް ބޮޑަށް ނޭދެވޭ އަސަރެއް ކޮށްފައިވީ ނަމަވެސް މިދަތިކަމުން އަރައިގެނެވޭނެ ކަމުގެ އުންމީދު އެބައޮތް ކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ބުދަ ދުވަހުގެ ރޭ އެމްޑީޕީގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ރައީސް ނަޝީދު ވިދާޅުވީ މިހާލަތުގައި ދެވަނަ ފަހަރަށް ފުރަބަންދަކަށް ގޮސްފިނަމަ ދިވެހިންނަށް ވަރަށް ބޮޑެތި ގެއްލުންތަކެއް ލިބިގެންދާނެ ކަމަށާއި، ދެވަނަ ފުރަބަންދަކަށް ދިއުމަށް ތާއީދު ނުކުރާ ކަމަށެވެ. އަދި އެއީ ހައްލު ނޫން ކަމަށް ނަޝީދު ވިދާޅުވިއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)ގެ މަސައްކަތްތަކަށް އަލިއަޅުއްވާލައްވާ ނަޝީދު ވިދާޅުވީ ކަމާބެހޭ ފަރާތްތަކުން ދެއްވާ އިރުޝާދާ އެއްގޮތަށް އުޅުން މިދަނޑިވަޅުގައި އުޅުން މުހިންމު ކަމަށެވެ. އަދި އެބޭފުޅުން ކުރާ މަސައްކަތްތަކަށް ވެސް ފުރިހަމަ އެއްބާރުލުން ދިނުމަށް ނަޝީދު ގޮވާލެއްވިއެވެ.
ނަޝީދު ވިދާޅުވީ ފުރަބަންދަށް ގޮސް ބޯޑަރުތައް ބަންދު ކުރުމަކީ ހައްލު ނޫން ކަމެވެ. އަދި ވިދާޅުވީ ނަޝީދު ވިދާޅުވީ ވިކުރާގައި އެއްޗެއް ލިޔެގެން ނުނީ ވަތްގަނޑަށް އެއްޗެއް ނުވަންނާނެ ކަމަށެވެ.
ބޯޑަރު ހުޅުވާލުމަށްފަހު އައި މީހުން އާންމުކޮށް ރާއްޖޭގައި ޓޫރިސްޓުން އެބައާދޭ ދުވާލަކަށް 2000 އެއްހާ ޓޫރިސްޓުން. އަޅުގަނޑުމެންނަށް މިދިޔަ 15 ވަރަކަށް ދުވަހު ވެސް ހާހެއްހާ ޓޫރިސްޓުން ނާދޭ. ނަމަވެސް މިވިޔަފާރީގައި މިކުރާ ވަންނަނީ ވަތްގަނޑު ހުޅުވާފައި ހުރީމަ.އަޅުގަނޑުމެން ރާއްޖެއަށް މީހުން އޮމާން ކަމާއެކު ރަނގަޅު ގިނަ އަދަދު އަންނަން ފެށޭނީ ވެސް މިއަދު އަޅުގަނޑުމެން ހުޅުވާލީމަ އެހެންވީމަ އަޅުގަނޑު ދެކޭ ގޮތުގައި ހުޅުވައިގެން ޚިދުމަތް ދެމުން ގެންދިޔާމަ މަޑު މަޑުން ނަމަވެސް ކަށަވަރުން ވެސް އިރާދަކުރެއްވިއްޔާ ޓޫރިޒަމް އަޅުގަނޑުމެންނަށް ކުރީ ހުރިތަނަށް އައިސް ދެވޭނެ.ރައީސް މުހައްމަދު ނަޝީދު
އެމްޑީޕީގެ ސަރުކާރު އުފެދިފައި މިވަނީ އިގްތިސާދީ ގޮތުން ވަރަށް ގިނަ އަދި ތަފާތު ބާވަތްތަކުގެ ވައުދާއެކުކަން ފާހަގަކުރައްވައި ނަޝީދު ވިދާޅުވީ އޭގެ ތެރޭގައި މަސްވެރިކަމަށް ޚާއްސަކޮށް ގޭދޮށު މަސްޕްލާންޓް ގާއިމްކުރުން ހިމެނޭ ކަމަށެވެ. އެގޮތުން މިހާރު ތިން ގޭދޮށު މަސްޕްލާންޓް އެކިއެކި ރަށްރަށުގައި ގާއިމް ކުރެވޭ ކަމަށާއި، މިކަމުގެ ސަބަބުން މަސް ވިއްކާ އަގު ރަނގަޅުވެގެންދާނެ ކަމަށް ނަޝީދު ވިދާޅުވިއެވެ.
މީގެ އިތުރުން ނަޝީދު ވިދާޅުވީ ދަނޑުވެރިކަން ކުރިއެރުވުމަށް ވެސް ޚާއްސަ މަސައްކަތްތަކެއް ކުރާ ކަމަށެވެ. ދަނޑުވެރިން ހައްދާ ބާވަތްތައް ވިއްކޭނެ ނިޒާމެއް ގާއިމް ކުރަމުގެ މަސައްކަތްތައް ކުރަމުންދާ ކަމަށް ނަޝީދު ވިދާޅުވިއެވެ. އަދި ވިދާޅުވީ ކައުންސިލްތައް މެދުވެރިކޮށް އެރަށެއްގެ އިގްތިސާދު ކުރި އެރުވުމަށް ވެސް މަސައްކަތް ކުރާ ކަމަށެވެ.
ނަޝީދު ވިދާޅުވީ ކޮވިޑް-19 އާ ގުޅިގެން މުޅިދުނިޔޭގެ އިގްތިސާދަށް ހީނަރުކަން އައިސްފައިވާއިރު، ރާއްޖެއަށް ވެސް ގިނަގުނަ ގޮންޖެހުންތަކެއް ކުރިމަތިވަމުންދާ ކަމަށެވެ. ނަޝީދު ވިދާޅުވީ ވަރަށް ބޮޑުތަނުން ދަތިވެ ހީނަރުކަން ހުރިހާ ދިމާލަކަށް ވެސް އައިސްފައިވާ ކަމަށެވެ. ނަމަވެސް މިދަތިކަމުން އަރައިގެނެވޭނެ ކަމުގެ އުންމީދު އެބައޮތް ކަމަށް ނަޝީދު ވިދާޅުވިއެވެ.
