ސްވިނިއަރ ފިހާރަތަކަށް އެހީވެދިނުމަށް އެދި ޖާބިރުގެ ގަރާރެއް
28 ޖުލައި 2020 | އަންގާރަ 15:50އެއް މިލިއަން ރުފިޔާ ދިނުމަށް ގޮވާލި
ގަރާރު ހުށައެޅުއްވި މެމްބަރު އަބްދުﷲ ޖާބިރު މަޖިލީހުގެ ޖަލްސާއެއްގައި
ކޮވިޑް-19 އާ ގުޅިގެން ސްވިނިއަރ ޝޮޕްތަކަށް ލިބުނު ގެއްލުންތަކުން އަރައިގަތުމަށް މާލީ އެހީތެރިކަން ދިނުމަށް އެދި ގަރާރެއް ރައްޔިތުންގެ މަޖިލީހަށް ހުށައަޅައިފިއެވެ.
އެ ގަރާރު ރައްޔިތުންގެ މަޖިލީހަށް ހުށައެޅުއްވީ ކާށިދޫ ދާއިރާގެ މެމްބަރު އަބްދުﷲ ޖާބިރުއެވެ. ޖާބިރު ހުށައެޅުއްވި ގަރާރުގައި އޭނާ ވިދާޅުވީ، ކޮވިޑް-19 ގެ ސަބަބުން ފަތުރުވެރިކަން އަދި ހާއްސަ ގޮތެއްގައި ސްވިނިއަރގެ ވިޔަފާރިއަށް ކުއްލި ލޮޅުމެއް އައިސްފައިވާ ކަމަށެވެ.
އެ ވިޔަފާރިއަކީ ދިވެހި އުފެއްދުންތެރިކަމުގެ ދާއިރާގެ ތެރެއިން ލިޔެލާޖެހުމާއި ކުނާ ވިޔުން ފަދަ އަތްތެރި މަސައްކަތްތަކާއި ސީދާ ގުޅިފައިވާ ވިޔަފާރިއަކަށް ވާތީއާއި މި ވިޔަފާރި އަށް އޮތް ޑިމާންޑް އެއްކޮށްހެން ހުއްޓި، ޒަމާނުއްސުރެ މި ވިޔަފާރި ކުރަމުންދާ ފަރާތްތައް ހާލުގައި ޖެހި، އެ އާއިލާތަކުގެ ދުވަހުގެ ކޮއްތު ނުލިބޭ ފަދަ ފަދަ އަނދަވަޅަކަށް ސްވިނިއަރ އިންޑަސްޓްރީގެ ހާލަތު ގޯސްވެފައިވާ ކަމަށް ޖާބިރުގެ ގަރާރުގައި ވިދާޅުވިއެވެ.
އެހެންކަމުން ސްވިނިއަރ ސޮޕްތަކަށް އެހީތެރިކަން ދިނުމަށް އެންމެ މަދުވެގެން އެއް މިލިއަން ރުފިޔާގެ ލޯނު ދިނުމަށް ޖާބިރު ހުށައެޅުއްވި ގަރާރުގައި ގޮވާލިއެވެ.
