މިއަދު އެއްވެސް މީހަކު ބަލިން ރަނގަޅެއް ނުވޭ، އިތުރު 50 މީހުން ޕޮޒިޓިވް
ޕޮޒިޓިވްވި މީހުންގެ ތެރޭގައި 34 ދިވެހިން ހިމެނޭ
ކޮވިޑް-19 އަށް ރެންޑަމް ސާމްޕަލް ނަގަނީ
ރާއްޖެއިން އިތުރު 50 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ކުރި ޓްވީޓެއްގައި ބުނީ، އާދިއްތަ ދުވަހު ރާއްޖެއިން އިތުރު 50 މީހަކު ބައްޔަށް ޕޮޒިޓިވްވެފައިވާ ކަމަށާއި، އެހެން ނަމަވެސް ބަލިން ރަނގަޅުވި މީހުންގެ އަދަދަށް ބަދަލެއް ނާންނަ ކަމަށެވެ. އެގޮތުން ހޮނިހިރު ދުވަހު ބަލިން ރަނގަޅުވި މީހުންނާއެކު، އަދިވެސް އެ އަދަދު އޮތީ 2534 ގައެވެ.
އޭގެ އިތުރުން، އާދިއްތަ ދުވަހު ޕޮޒިޓިވްވި މީހުންގެ ތެރޭގައި ހިމެނެނީ 34 ދިވެހިންނާއި، ބަންގްލަދޭޝްއަށް ނިސްބަތްވާ 14 މީހެއްގެ އިތުރުން، އިންޑިއާއަށް ނިސްބަތްވާ 2 މީހެއް ކަމަށް އެޗްޕީއޭއިން ބުނެއެވެ.
އެއާއެކު ރާއްޖެއިން މިހާނަތަށް ޕޮޒިޓިވްވި މީހުންގެ ޖުމުލަ އަދަދު ވަނީ 3302ށް އަރާފައެވެ. އަދި މިވަގުތުގެ އެކްޓިވް ކޭސްތަކުގެ އަދަދަކީ 738 އެވެ.
