ކ. މާލެ
|
26 ޖުލައި 2020 | އާދީއްތަ 13:10
ރައްޔިތުންގެ މަޖިލީހުގެ ރައީސް މުހައްމަދު ނަޝީދު
ރައްޔިތުންގެ މަޖިލީހުގެ ރައީސް މުހައްމަދު ނަޝީދު
މަޖިލިސް
މިނިވަން ދުވަހުގެ ހިތާބު
ޓެރަރިސްޓް ޖަމާއަތްތަކުން ރާއްޖޭގައި އަތް ގަދަކުރުމަށް މަސައްކަތް ކުރިޔަސް، ރައްޔިތުންނާއި ސިފައިން ރާއްޖޭގެ މިނިވަންކަން ދޫކޮށްނުލާނެ: ރައީސް ނަޝީދު
 
މިނިވަންކަން ދެމެހެއްޓުމަށްޓަކައި ދިވެހިން އަބަދުވެސް އަމަލު ކުރަންޖެހޭނީ ބުއްދިވެރިކަމާއިއެކު
 
ޓެރެރިސްޓް ޖަމާއަތްތަކުން، ރާއްޖެއަކީ އެމީހުންގެ ދައުލަތުގެ ގޮތުގައި ހިންގާ ތަނެއްގެ ގޮތުގައި ހެދުމަށް މަސައްކަތް ކުރޭ
 
ދިވެހިން އަތުން މިނިވަންކަން ގުޑުވާލެވޭނެ ވަކި އިތުރު ބާރެއް ނުވަތަ ގޮތެއް ނެތް

ރާއްޖޭގެ ރައްޔިތުންނާއި ދިވެހި ސިފައިން ތިބީ މިނިވަންކަން ކުޑަ މިންވަރަަކަށްވެސް ދޫކުރުމުގެ ވިސްނުމުގައި ނޫން ކަމަށާއި އިންޑިއާ ކަނޑުގައި ދިވެހިން އަބަދުވެސް ދެމި ތިބޭނީ ވަރުގަދަކަމާއެކު ކަމަށް ރައްޔިތުންގެ މަޖިލީހުގެ ރައީސް، މުހައްމަދު ނަޝީދު ވިދާޅުވެއްޖެއެވެ.

ރާއްޖެއަށް މިނިވަންކަމަށް 55 އަހަރު ފުރޭ 56 ވަނަ މިނިވަން ދުވަހުގެ މުނާސަބަތުގައި ރައީސް ނަޝީދު ދެއްވި ހިތާބުގައި ވިދާޅުވީ، ދިވެހިންގެ މިނިވަންކަން އަބަދުވެސް ދިވެހިން ހިފަހައްޓާނެކަމުގެ އެއްވެސް ޝައްކެއް ނުއުފެދޭ ކަމަށާއި ދިވެހިން އަތުން މިނިވަންކަން ގުޑުވާލެވޭނެ ވަކި އިތުރު ބާރެއް ނުވަތަ ގޮތެއް ނެތް ކަމަށެވެ.

ރާއްޖޭގައި ތަފާތު ފިކުރުތައް އުފެދިގެން ދާކަން ފާހަގަކުރައްވައި ރައީސް ނަޝީދު ވިދާޅުވީ، އެއް ދައުލަތެއްގެ ގޮތުގައި އަރަބި ކަރައިގައި އުފެދޭ ރޫހުގެ ތެރެއަށް ދިވެހި ދައުލަތް ގެންދިއުމަށްޓަކައި މަސައްކަތް ކުރަމުންދާ ކަމަށެވެ. އެގޮތުން ތަފާތު ޓެރެރިސްޓް ޖަމާއަތްތަކުން، ރާއްޖެ އަކީ އެމީހުންގެ ދައުލަތުގެ ގޮތުގައި ހިންގާ ތަނެއްގެ ގޮތުގައި ހެދުމަށް ރާއްޖޭގައި ނެޓްވޯރކްތައް ހިންގާ ކަމަށާއި ރައްޔިތުންނާއި ދިވެހި ސިފައިން ތިބީ ރާއްޖޭގެ މިނިވަންކަން ކުޑަ މިންވަރަަކަށް ވެސް ދޫކުރުމުގެ ވިސްނުމުގައި ނޫން ކަމަށެވެ.

ދިވެހިރާއްޖޭގައި ތަފާތު ފިކުރު އެބަ އުފެދިގެން އާދޭ. އެއް ދައުލަތެއްގެ ގޮތުގައި އަރަބި ކަރައިގައި އުފެދޭ ރޫހު އަބަދުވެސް މި ދިވެހި ދައުލަތް އޭގެ ތެރެއަށް ގެންދިއުމަށް މަސައްކަތް ކުރޭ. ޝާމް އާއި އައިސިސް ޖަމާއަތުން، ހިންގާ މަސައްކަތް ތަކުގައި ރާއްޖެއަކި އެމީހުންގެ ދައުލަތުގެ ތެރޭގައި ހިމެނޭ ބައެއްގެ ގޮތުގައި ހެދުމަށް މިތަނުގައި އެމީހުންގެ ނެޓްވޯކް ހިންގާ. އެއީ މިހާރު ރާއްޖޭގެ އިދާރާތަކަށް ސާފުވާކަމެއް. އެހެން ނަމަވެސް، އަޅުގަނޑުމެންގެ ރާއްޖޭގެ ރައްޔިތުން، އަޅުގަނޑުމެންގެ ސިފައިން މިތިބީ އަޅުގަނޑަށް ޔަގީން ކަށަވަރު ކުޑަ މިންވަރަކަށްވެސް ދޫކުރާކަށް ނޫން. އިރާދުކުރެއްވިއްޔާ އިންޑިއާ ކަނޑުގައި ދިވެހިން އަބުދުވެސް ދެމިތިބޭނީ ވަރުގަދަކަމާއެކީގައި.
ރައްޔިތުންގެ މަޖިލީހުގެ ރައީސް، މުހައްމަދު ނަޝީދު

ރައިސް ނަޝީދު ވިދާޅުވީ އިންޑީއާ ކަނޑު ސަލާމަތްކޮށް، ރާއްޖޭގެ މަސްލަހަތު ފަހިވާ ގޮތަށް އޮތީ ކަނޑު ބޭނުން ކޮށްގެން ވިޔަފާރި ކުރާ ، ކަނޑުގެ އައްސޭރީގައިވާ ރަށްތަކުގެ ސަބަބުން ކަމަށެވެ. އެގޮތުން، ރާއްޖެއަކީ އޭގެތެރެއިން ބޮޑު އެއް ރަށްކަމަށާއި މިނިވަންކަން ދެމެހެއްޓުމަށްޓަކައި ދިވެހިން އަބަދުވެސް އަމަލު ކުރަންޖެހޭނީ ބުއްދިވެރިކަމާއިއެކު ކަމަށެވެ. ރައީސް ނަޝީދު ވިދާޅުވީ، އިންޑިއާ ކަނޑުގެ އައްސޭރިން ބޭރުން ކަނޑުގެ ތެރެއަށް ވަދެ ގަދަކުރުން އެއްވެސް ގައުމަކަށް ދޫކޮށްފިނަމަ ކަންތައް ވެފައިވާގޮތް ސާފުކޮށް ތާރީހުން ފެންނަން އެބައޮތް ކަމަށެވެ.

އިންޑިއާ ކަނޑުގައި ސުލްހަ މަސްލަސްކަން ގާއިމުކޮށް އަންނަ ހަމަލާތަކުން ސަލާމަތްވުމަށް ފާރަވެރިވެ ތިބުމަކީ މުހިންމު ކަމެއްގެ ގޮތުގައި ރައީސް ނަޝީދު މީގެކުރީން ވެސް ވަނީ ވިދާޅުވެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ސިމާހާ ނަސީމް
0%
33%
0%
67%
0%
0%
ކޮމެންޓް