ރާއްޖެ
ކޮވިޑް-19 އެންމެ ފަހުގެ މައުލޫމާތު
މިއަދު އިތުރު މީހަކު ބަލިން ފަސޭހަވެފައެއް ނެތް، ޕޮޒިޓިވްވީ 59 މީހުން
44 ދިވެހިން ވަނީ ޕޮޒިޓިވް ވެފައި
އަޒްލިފާ އަބްދުﷲ, ރާއްޖެ އެމްވީ | 22 ޖުލައި 2020 | ބުދަ 17:25
ކޮވިޑް-19 އަށް ސާމްޕަލް ޓެސްޓް ކުރަނީ
ދިވެހިރާއްޖެ އިން ކޮވިޑް-19 އަށް އިތުރު 59 މީހަކު ޕޮޒިޓިވް ވެއްޖެއެވެ.
ހެލްތް ޕޮރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓްގައި ހާމަކޮށްފައިވާ ގޮތުން ބުދަ ދުވަހު ޕޮޒިޓިވްވި މީހުންގެ ތެރޭގައި ހިމެނެނީ 44 ދިވެހިންނާއި، ބަންގްލަދޭޝްގެ 14 މީހަކާއި އިންޑިއާ މީހެކެވެ.
އެޗްޕީއޭއިން ހާމަކޮށްފައިވާ ގޮތުން ބުދަ ދުވަހު ބަލިން އެއްވެސް މީހަކު ފަސޭހަވެފައެއް ނުވެއެވެ.
އެކްޓިވް ކޭސްގެ ގޮތުގައި 676 ކޭސްއެއް ރިޕޯޓްކޮށްފައިވާއިރު މިހާތަނަށް ބަލިން ރަނގަޅުވި މީހުންގެ ޖުމްލަ އަދަދަކީ 2397 މީހުންނެވެ.
މިހާތަނަށް ކޮވިޑް-19 އަށް ރާއްޖެ އިން ޕޮޒިޓިވް ވެފައިވާ މީހުންގެ އަދަދަކީ 3013 މީހުންނެވެ.
ކޮވިޑް-19 ޖެހިގެން ރާއްޖެއިން މަރުވި މީހުންގެ އަދަދަކީ 15 އެވެ.
