ޓޮޓެންހަމްގެ އެއްބަސްވުން އެރިކް ޑަޔާ އާކޮށްފި

ޓޮޓެންހަމް ހޮޓްސްޕާ އާއެކު ހަދައިފާވާ އެއްބަސްވުން މިޑްފީލްޑަރު އެރިކް ޑަޔާ އާކޮށްފިއެވެ.

ޓޮޓެންހަމާއެކު ހަދާފައިވާ އެއްބަސްވުން ޑަޔާ އާކުރީ 2024 ވަނަ އަހަރުގެ ނިޔަލަށެވެ.

ރިޕޯޓުތައް ބުނާ ގޮތުން ޑަޔާގެ އެއްބަސްވުން ޓޮޓެންހަމުން އާކުރީ އެ ޓީމުގެ ކޯޗު ހޯސޭ މޮރީނިއޯގެ އެދުމުގެ މަތިންނެވެ. އަދި އޭނާގެ އެއްބަސްވުން އާކުިރކަން އަންގާރަ ދުވަހު ޓޮޓެންހަމުން ވަނީ ހާމަކޮށްފައެވެ.

ޓޮޓެންހަމާއެކު ހަދައިފައިވާ އެއްބަސްވުން އާކުރުމަށްފަހު ޑަޔާ ބުނީ ޓޮޓެންހަމްގައި މަޑުކުރަން ނިންމި ނިންމުމަކީ އޭނާގެ ކެރިއަރުގައި ނިންމި މުހިންމު ނިންމުމެއް ކަމަށެވެ. އަދި ޓޮޓެންހަމާއެކު މިހާތަނަށް ކާމިޔާބު ހަ ސީޒަން ހޭދަކުރެއްވިއްޖެ ކަމަށާއި، ކުރިއަށް އޮތް ތަނުގައިވެސް ޓޮޓެންހަމާއެކު އިތުރު ކާމިޔާބީތައް ހޯދުމަށް ތައްޔާރަށް ހުރި ކަމަށްވެސް ބުންޏެވެ.

އިންގްލެންޑަށް އުފަން ޑަޔާ ޓޮޓެންހަމާ ގުޅުނީ 2014 ވަނަ އަހަރުގައެވެ. މިހާތަނަށް ޓޮޓެންހަމަށް ކުޅެދިން 173 މެޗުގައި ޑަޔާ ވަނީ އެޓީމަށް 10 ލަނޑު ކާމިޔާބުކޮށްދީފައެވެ. އަދި އިންގްލެންޑްގެ ގައުމީ ޓީމަށް ކުޅެދިން 40 މެޗުން އޭނާ ވަނީ 3 ލަނޑު އެޓީމަށް ކާމިޔާބުކޮށްދީފައެވެ.