މާދަމާއިން ފެށިގެން ޕާސްޕޯޓަށް އެދި ހުށަހެޅޭނީ "އިމުގާ" ޕޯޓަލް މެދުވެރިކޮށް

އިމުގާ ޕޯޓަލް މެދުވެރިކޮށް ޕާސްޕޯޓަށް ހުށަހެޅުމުގެ ފުރުސަތު އިމިގްރޭޝަނުން ހުޅުވާލައިފިއެވެ.

އިމިގްރޭޝަންއިން ނެރެފައިވާ އިއުލާނެއްގައި ބުނެފައިވަނީ، 2020 ޖުލައި 23 އިން ފެށިގެން ދިވެހި ޕާސްޕޯޓަށް އެދި ހުށަހެޅޭނީ މޯލްޑިވްސް އިމިގްރޭޝަންގެ އޮންލައިން ޕޯޓަލް "އިމުގާ" މެދުވެރިކޮށް ކަމަށެވެ. އެގޮތުން imuga.immigration.gov.mv އަށް ވަޑައިގެން ރަޖިސްޓްރީ ކުރުމުން މި ޕޯޓަލް މެދުވެރިކޮށް ޕާސްޕޯޓަށް އެދި ހުށަހެޅޭނެ ކަމަށެވެ.

އިމިގްރޭޝަނުން ބުނީ، މި ތާރީޙުން ފެށިގެން އީމެއިލް މެދުވެރިކޮށް ޕާސްޕޯޓު އެޕްލިކޭޝަން ބަލައިގަތުން ހުއްޓާލާނެ ކަމަށާއި އިމިގްރޭޝަންގެ މަޤްސަދަކީ ޒަމާނީ ވަސީލަތްތަކާއެކު ރައްޔިތުންނަށް ލުއިފަސޭހަ ޚިދުމަތްތަކެއް ފޯރުކޮށްދިނުން ކަމަށެވެ.