ރާއްޖެ
ކޮވިޑް-19 އެންމެ ފަހުގެ މައުލޫމާތު
ރާއްޖެއިން ކޮވިޑް-19 ޖެހުނު މީހުންގެ އަދަދު 3000ށް ވުރެ މައްޗަށް!
މިހާތަނަށް 3044 މީހުން ވަނީ ޕޮޒިޓިވްވެފައި
އަޒްލިފާ އަބްދުﷲ, ރާއްޖެ އެމްވީ | 21 ޖުލައި 2020 | އަންގާރަ 17:13
ކޮވިޑް-19 އަށް ޓެސްޓް ކުރުމަށް ސާމްޕަލް ނަގަނީ
ރާއްޖެއިން ކޮވިޑް-19 ޖެހުނު މީހުންގެ ޖުމްލަ އަދަދު 3000ށް ވުރެ މައްޗަށް އަރައިފިއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާ ގޮތުން ރާއްޖެއިން މިހާތަނަށް ކޮވިޑް-19ށް 3044 މީހުން ވަނީ ޕޮޒިޓިވް ވެފައެވެ.
އެޗްޕީއޭއިން ހާމަކޮށްފައިވާ ގޮތުން އަންގާރަ ދުވަހު ކޮވިޑް-19 އަށް ޕޮޒިޓިވް ވެފައިވަނީ 45 މީހެކެވެ. އޭގެތެރޭގައި 31 ދިވެހިންނާއި، ބަންގްލަދޭޝްގެ 12 މީހެއް އަދި އިންޑިއާގެ ދެ މީހަކު ހިމެނެއެވެ.
އެކްޓިވް ކޭސްގެ ގޮތުގައި 617 ކޭސް އެއް ރިޕޯޓްކޮށްފައިވާއިރު މިހާތަނަށް ބަލިން ރަނގަޅުވި މީހުންގެ ޖުމްލަ އަދަދަކީ 2397 އެވެ.
ކޮވިޑް-19 ޖެހިގެން ރާއްޖެ އިން މިހާތަނަށް މަރުވި މީހުންގެ އަދަދު ވަނީ 15ށް އަރާފައެވެ.
