ކޮވިޑް-19 އާ ގުޅޭ އެންމެ ފަހުގެ މައުލޫމާތު ވަޒީރުންގެ މަޖިލީހާ ހިއްސާކޮށްފި
21 ޖުލައި 2020 | އަންގާރަ 13:09މިހާރު އަޅާފައިވާ ފިޔަވަޅުތަކާ ބެހޭ ގޮތުން މަޝްވަރާ ކުރެއްވި
ރައީސް އިބްރާހިމް މުހައްމަދު ސޯލިހު ގެންދަވަނީ ރާއްޖޭގެ ހާލަތު ވަރަށް ގާތުން ބައްލަވަމުން
ކޮވިޑް-19 އާ ގުޅޭގޮތުން ސަރުކާރުން މިހާތަނަށް އަޅާފައިވާ ފިޔަވަޅުތަކާއެކު، މިހާރުގެ ހާލަތާ ގުޅޭ އެންމެ ފަހުގެ މައުލޫމާތު ވަޒީރުންގެ މަޖިލީހާ ހިއްސާކޮށްފިއެވެ.
ރައީސް އޮފީހުން ބުނީ މި ރޯގާއާ ގުޅިގެން މިހާރު އަޅާފައިވާ ފިޔަވަޅުތަކާ ރޯގާގެ ހާލަތަށް އަންނަ ބަދަލާ ގުޅިގެން އިތުރަށް ހަމަޖައްސަންޖެހޭ އެކިއެކި އިންތިޒާމުތަކާ ބެހޭގޮތުން އަންގާރަ ދުވަހު ވަޒީރުންގެ މަޖިލީހުގެ ބައްދަލުވުމެއް ބާއްވާފައިވާ ކަމަށެވެ.
މ ބައްދަލުވުމުގައި ކޮވިޑް-19އާ ގުޅިގެން ކުރެވޭ މަސައްކަތްތަކާ ބެހޭ ގޮތުން މަޝްވަރާ ކުރެއްވި ކަމަށް ރައީސް އޮފީހުން ބުނެއެވެ.
ކޮވިޑް-19އާ ގުޅިގެން ރާއްޖޭގެ ހާލަތު ރައީސް އިބްރާހިމް މުހައްމަދު ސޯލިހު ގެންދެވަނީ ވަރަށް ގާތުން ބައްލަވަމުންނެވެ. އެގޮތުން ސިލްސިލާ ގޮތެއްގައި ވަޒީރުންގެ ބައްދަލުވުންތައް ބާއްވާ ކުރަމުންދާ މަސައްކަތްތައްކާއި، ނުކުންނަ ނަތީޖާތަކާ ބެހޭ ގޮތުން މަޝްވަރާ ކުރައްވައެވެ.
ކޮވިޑް-19 ފެތުރުން ހުއްޓުވުމަށް އިއުލާނު ކުރެވުނު ފުރަބަންދުގެ ޙާލަތަށް ދިން ލުއިތަކާއި ގުޅިގެން ނުކުތް ނަތީޖާތަކަށް ބިނާކޮށް، ކުރިއަށް އޮތް ދުވަސްތަކުގައި އަމަލު ކުރެއްވުމަށް ނިންމަވާނެ ގޮތްތަކާއި ގުޅޭގޮތުން، ކަމާގުޅޭ އިދާރާތަކުގެ އިސް ވެރިންނާ ވެސް އެމަނިކުފާނު ބައްދަލުކުރައްވައި މަޝްވަރާތައް ކުރައްވައެވެ.
