ހިންމަފުށިން ގޯތި ދޫކުރުން: ޕޮއިންޓް ލިބިފައިވާގޮތުގެ ވަގުތީ ލިސްޓް އާއްމު ކޮށްފި
21 ޖުލައި 2020 | އަންގާރަ 13:12100 ގޯތި ދޫކުރުމަށް ވަނީ ނިންމާފައި
ކ. ހިންމަފުށި
ކ. ހިންމަފުށިން ދިރިއުޅުމަށް ބަންޑާރަގޯތި ދޫކުރުމާއި ގުޅިގެން ގޯއްޗަށް އެދި ފޯމް ހުށަހެޅި ފަރާތްތަކުގެ ތެރެއިން ޝަރުތުހަމަވާ، ފަރާތްތަކަށް ޕޮއިންޓް ލިބިފައިވާ ގޮތުގެ ވަގުތީލިސްޓް އާއްމު ކޮށްފިއެވެ.
ހިންމަފުށި ކައުންސިލުން ބުނީ އެރަށުގައި ދިރިއުޅުމަށްޓަކައި ބަންޑާރަގޯތި ދޫކުރުމަށް ހުޅުވާލި ފުރުސަތުގައި ގޯއްޗަށް އެދިފައިވާ ފަރާތްތަކުގެ ތެރެއިން ޝަރުތުހަމަނުވާ އަދި ފޯމް ބާތިލްވެފައިވާ، ވަގުތީ ލިސްޓަށް އެއްވެސް ފަރާތަކުން ޝަކުވާ ހުށަހަޅާފައި ނުވާކަމަށެވެ. އަދި ޝަރުތުހަމަވާ ފަރާތްތަކުގެ ތެރެއިން ޕޮއިންޓް ލިބިފައިވާގޮތުގެ ވަގުތީ ލިސްޓް މިހާރު އާންމު ކޮށްފައިވާ ކަމަށް ކައުންސިލުން ބުނެއެވެ.
ކައުންސިލުން ބުނީ ޕޮއިންޓް ލިބިފައިވާ ވަގުތީ ލިސްޓްގައިވާ ފަރާތްތަކުގެ ތެރެއިން އެއްވެސް ފަރާތަކުން ޝަކުވާ އެއްހުށަހަޅަން ބޭނުންވާނަމަ، ހިންމަފުށިން ދޫކުރާ 100 ގޯއްޗަށް އެދިފައިވާ ފަރާތްތަކުން ޝަކުވާ ހުށަހަޅާ ފޯމް ފުރުމަށްފަހު 09 އޯގަސްޓް 2020 ވާ އާދިއްތަ ދުވަހުގެ 14:00 ގެ ކުރިން ކައުންސިލް އިދާރާގެމެއިލްއަށްނުވަތަ ހިންމަފުށީ ކައުންސިލްގެ އިދާރާއަށް ޝަކުވާ ހުށަހެޅުމުގެ ފުރުސަތު ހުޅުވާލާ ކަމަށެވެ.
މީގެ އިތުރުން ކައުންސިލުން ބުނީ ޕޮއިންޓް ލިބިފައިވާ ވަގުތީ ލިސްޓްގައިވާ ފަރާތްތަކުން ހުށަހަޅާ ޝަކުވާތަކަށް ކައުންސިލުން ނުވަތަ މެއިލްގެ ޒަރީޢާއިން ޖަވާބު ލިބޭނެ ކަމަށެވެ.
ޕޮއިންޓް ލިބިފައިވާ ވަގުތީ ލިސްޓުގައިވާ ފަރާތްތަކަށް ހުށަހެޅޭ ޝަކުވާއާއި، އަދި އެހެނިހެން ސަބަބުތަކާއި ގުޅިގެން ޕޮއިންޓް ލިބިފައިވާ ވަގުތީ ލިސްޓަށް ބަދަލު އައުން އެކަށީގެންވާ ކައުންސިލުން ބުނެއެވެ.
