ދޯންޏެއް ފަރަށް އަރައިގެން އެމްއެންޑީއެފްއިން ހަރަކާތްތެރިވަނީ
21 ޖުލައި 2020 | އަންގާރަ 04:46ފަރަށް އެރި އިރު ދޯނީގައި 3 މީހުން ތިބި
ފަރަށް އެރި ނޫމަސް ދޯނި، ކޯސްޓް ގާޑުން ދަނީ އެ ސަރަހައްދުގައި ހަރަކާތްތެރިވަމުން
ބ. އަތޮޅުން ފުރައިގެން ތިލަފުއްޓަށް ދަތުރުކުރި ދޯންޏެއް ފަރަށް އަރައިގެން އެމްއެންޑީއެފުން ހަރަކާތްތެރިވާން ފަށައިފިއެވެ.
އެމްއެންޑީއެފުން ބުނީ 3 މީހުންނާއި އެކު ބ. އަތޮޅުން ފުރައިގެން ތިލަފުއްޓައް ދަތުރުކުރި "ނޫމަސް" ދޯނ ތިލަފުށި އުތުރު ފަރަށް އަރައިގެން މާލެ އޭރިއާ ކޯސްޓް ގާޑުން ހަރަކާތްތެރި ވަމުން އަންނަކަމަށެވެ. ޑައިވަރުން އެ ސަރަހައްދުގައި ދޯނި ފުންކުރުމަށް ހަރަކާތްތެރިވަމުން އަންނަ އިރު ދޯނީގައި ތިބި އެއްވެސް މީހަކަށް އަނިޔާއެއް ވެފައި ނުވެއެވެ.
ފަރަށް އެރި ދޯނީގައި ތިބި ދެ ބިދޭސީންނާއި ދިވެއްސެކެވެ. އެމްއެންޑީއެފުން ބުނީ "ނޫމަސް" ދޯނި ފަރަށް އެރި ކަމުގެ ރިޕޯޓު ލިބިފައިވަނީ ފަތިހު 5:46 ހާއިރުކަމަށެވެ. ރާއްޖެއަށް މޫސުން ގޯސްވުމުގެ ސަބަބުން ކަނޑުމަތީގެ ހާދިސާތައް ފަހަކަށް އައިސް ދަނީ ގިނަވަމުންނެވެ.
