ކ. މާލެ
|
11 އޭޕްރިލް 2017 | އަންގާރަ 17:47
އަނިޔާ އިން އެނބުރި އައިސް މަރޭ އެންމެ ފުރަތަމަ ކުޅޭ ބޮޑު މުބާރާތަކަށް ވާނީ މޮންޓެކާލޯ މާސްޓާރސް ޓެނިސް މުބާރާތް
އަނިޔާ އިން އެނބުރި އައިސް މަރޭ އެންމެ ފުރަތަމަ ކުޅޭ ބޮޑު މުބާރާތަކަށް ވާނީ މޮންޓެކާލޯ މާސްޓާރސް ޓެނިސް މުބާރާތް
އޭއެފްޕީ
ޓެނިސް
އެންޑީ މަރޭ އެނބުރި ކޯޓަށް
ކުރިއަށް އޮތީ ބޮޑު މުބާރާތެއް
އެނބުރި އައީ މަހަކަށްފަހު

އަނިޔާގެ ސަބަބުން ކުޅުމާއި ދުރުގައި ހުރުމަށްފަހު ދުނިޔޭނެ އެއްވަނަ ފިރިހެން ޓެނިސް ކުޅުންތެރިޔާ އިނގިރޭސިވިލާތުގެ އެންޑީ މަރޭ އަނބުރި އަތުވެއްޖެއެވެ.

 

މަރޭ އެނބުރި ކޯޓަށް މިއައީ އޭނާގެ އުޅަނބޮއްޓަށް ލިބުނު އަނިޔާއަށް ފަރުވާ ހޯދުމަށް މަހަކަށް ވުރެ ގިނަ ދުވަހު ކުޅުމާ ދުރުގައި ހުރެފައެވެ.

 

އެނބުރި ކޯޓަށް އައުމަށް ފަހު މަރޭ އެންމެ ފުރަތަމަ ކުޅޭނީ ޗެރިޓީ މެޗެކެވެ. އެގޮތުން ސްވިޒިލޭންޑްގެ ޒިއުރިކްގައި އޮންނަ މި ޗެރިޓީ އެގްޒިބިޝަން މެޗުގައި މަރޭ ނުކުންނާނީ ރޮޖަރ ފެޑަރާއާ ދެކޮޅަށެވެ.

 

މަރޭ މިއަހަރު އެންމެ ފަހުން މެޗެއް ކުޅެފައިވަނީ މިއަހަރުގެ މާޗުމަހުގެ ކުރީކޮޅުއެވެ. ބީއެންޕީ ޕަރިބާސް އޯޕެންގެ ދެވަނަ ބުރުން މަރޭ ވަނީ ކަޓާފައެވެ.

 

އަނިޔާ އިން އެނބުރި އައުމަށް ފަހު މަރޭ އެންމެ ފުރަތަމަ ކުޅޭނެ ބޮޑު މުބާރާތަކީ އަންނަ ހަފްތާގައި ފަށާ މޮންޓެކާލޯ މާސްޓާރސް ޓެނިސް މުބާރާތުގައެވެ.

 

އަލުން ކުޅުމުގެ ތެރެއަށް ނުކުތުމަށްފަހު މަރޭ ބުނީ، ކުރިއަށް އޮތް މުބާރާތުގައި ރަނގަޅު ކުޅުމެއް ދެއްކޭނެ ކަމަށް އުއްމީދު ކުރާ ކަމަށެވެ.

އެންމެ ފަހުން އަޕްޑޭޓް ކުރީ: 1 ދުވަަސް ކުރިން
ރިވިއު ކުރީ: އަލީ ޔޫސުފް
- ކޮމެންޓް