ދޫކޮށްފައިވާ އެމްޕްލޯއިމަންޓް އެޕްރޫވަލްގެ މުއްދަތު މިއަދުން ފެށިގެން 90 ދުވަސް އިތުރު ކޮށްދީފި
15 ޖުލައި 2020 | ބުދަ 10:092019 ޑިސެމްބަރު 1 ވަނަ ދުވަހުން ފެށިގެން ދޫކޮށްފައިވާ އެމްޕްލޯއިމަންޓް އެޕްރޫވަލްގެ މުއްދަތު ހަމަވާނީ، މިއަދުން ފެށިގެން 90 ވަނަ ދުވަހަށް
ރާއްޖޭގެ ބޯޑަރު މިއަދު ހުޅުވާލުމާއެކު އައި ފުރަތަމަ ފްލައިޓުން މީހުން ފައިބަނީ: 2019 ޑިސެމްބަރު 1 ވަނަ ދުވަހުން ފެށިގެން ދޫކޮށްފައިވާ އެމްޕްލޯއިމަންޓް އެޕްރޫވަލްގެ މުއްދަތު ހަމަވާނީ، މިއަދުން ފެށިގެން
ރާއްޖޭގައި މަސައްކަތްކުރަން އައުމުގެ ހުއްދަ ދެވޭ ބިދޭސީންނަށް ދޫކުރެވޭ އެމްޕްލޯއިމަންޓް އެޕްރޫވަލްގެ މުއްދަތު 90 ދުވަހަށް އިތުރުކޮށްދީފިއެވެ.
އިކޮނޮމިކް މިނިސްޓްރީން ބުދަ ދުވަހު ކޮށްފައިވާ އިއުލާނެއްގައި ވަނީ، ރާއްޖޭގައި މަސައްކަތްކުރަން އައުމުގެ ހުއްދަ ދެވޭ ބިދޭސީންނަށް ދޫކުރެވޭ އެމްޕްލޯއިމަންޓް އެޕްރޫވަލްގެ މުއްދަތުގެ ގޮތުގައި ހުއްދަ ދޫކުރެވޭ ތާރީހުން ފެށިގެން 90 ދުވަހުގެ ތެރޭގައި ބިދޭސީ މީހާ ރާއްޖެ އަންނަން ޖެހޭނެކަމަށް ކަނޑައަޅަފައިވާނެ ކަމަށެވެ.
ނަމަވެސް، މުޅި ދުނިޔެއަށް މިވަގުތު ކުރިމަތިވެފައިވާ ކޮވިޑް-19ގެ ހާލަތާ ގުޅުގެން، ގައުމުތަކުގެ ދަތުރުފަތުރުގެ ނިޒާމް މެދުކެނޑިފައިވާތީ، ހާލަތަށް ރިއާޔަތްކޮށް، 2019 ޑިސެމްބަރު 1 ވަނަ ދުވަހުން ފެށިގެން ދޫކޮށްފައިވާ އެމްޕްލޯއިމަންޓް އެޕްރޫވަލްގެ މުއްދަތު ހަމަވާނީ، ރާއްޖޭގެ ބޯޑަރު ހުޅުވާލެވޭ ދުވަހުން ފެށިގެން 90 ދުވަސް ހަމަވާ ދުވަހަށް ކަމަށެވެ.
ރާއްޖޭގެ ބޯޑަރު ބުދަ ދުވަހު މިވަނީ ހުޅުވާލާފައެވެ. ބުދަ ދުވަހު ބޯޑަރު ހުޅުވާލުމާއެކު ރާއްޖެ ފުރަތަމަ އައިސްފައިވަނި ގަތަރު އެއަރވޭސްގެ ފުލައިޓެކެވެ. މި ފުލައިޓުގައި 100 ފަތުރުވެރިން ވަނީ ރާއްޖެ އައިސްފައެވެ. އެ ފްލައިޓުގައި 27 ދިވެހިންނާ އެކު ޖުމްލަ 127 މީހަކު ރާއްޖެ އައިސްފައިވެއެވެ.
ރާއްޖޭގެ ބޯޑަރު ބަންދުކޮށްފައިވަނީ، ރާއްޖެއިން ކޮވިޑް-19ގެ ކޭސްތަކެއް ފެނި، މިދިޔަ މާރޗު މަހުގެ 27 ވަނަ ދުވަހުއެވެ.
