އިތުރު 39 މީހަކު ކޮވިޑް-19ށް ރާއްޖެއިން ޕޮޒިޓިވްވެއްޖެ
27 ދިވެހިން ޕޮޒިޓިވްވެފައިވޭ
ލުއިތަކާ ގުޅިގެން ޕޮޒިޓިވް ކޭސްތައް ދަނީ އިތުރުވަމުން
އިތުރު 39 މީހަކު ކޮވިޑް-19ށް ރާއްޖެއިން ޕޮޒިޓިވްވެއްޖެ އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާގޮތުން އަންގާރަ ދުވަހު ކޮވިޑް-19 އަށް ޕޮޒިޓިވް ވެފައިވަނީ 27 ދިވެހިންނެވެ. މީގެ އިތުރުން ބަންގްލަދޭޝްގެ ހަތް މީހަކާއި އިންޑިއާގެ ފަސް މީހަކު ވަނީ ޕޮޒިޓިވްވެފައެވެ.
މިހާތަނަށް ކޮވިޑް-19 އަށް ރާއްޖެއިން ޕޮޒިޓިވްވެފައިވަނީ 2801 މީހުންނެވެ.
އެކްޓިވް ކޭސްގެ ގޮތުގައި 470 ކޭސްއެއް ރިޕޯޓް ކުރުރެވިފައިވާ އިރު 2302 މީހަކު ވަނީ ބަލިން ފަސޭހަވެފައެވެ.
ކޮވިޑް-19 އާ ގުޅިގެން ރާއްޖޭގައި އަޅާފައިވާ ފުރަބަންދުގެ ފިޔަވަޅުތަކަށް ބޮޑެތި ލުއިތަކެއް ދޭންފެށި ފަހުން ގިނަ އަދަދެއްގެ ދިވެހިން ދަނީ ޕޮޒިޓިވްވަމުންނެވެ.
އެޗްއީއޯސީން ހާމަކޮށްފައިވާ ގޮތުގައި މިހާރު ފެންނަމުންދާ ގިނަ ކޭސްތަކަކީ ސަރުކާރު އޮފީސްތަކުގެ މުވައްޒަފުން ޕޮޒިޓިވްވުމާއި ގުޅިގެން ފެންނަ ކޭސްތަކެކެވެ.
