ހޮނިހިރު 15 އޯގަސްޓު 2020
05 މާ
1441 ޒުލްޙައްޖު 25
ފަތިސް 04:48
އިރުއަރާ 06:01
މެންދުރު 12:14
އަސްރު 15:29
އިރުއޮއްސޭ 18:20
އިޝާ 19:34
ގާޒީ ބާރީ މާލީ ބަޔާން އޮޅުވާލުން

ގާޒީ ބާރީ މާލީ ބަޔާން އޮޅުވާލިކަމަށް ތުހުމަތު ކުރެވޭ މައްސަލައެއް ބަލަނީ

  • ވިޔަފާރީގައި ޢަމަލީ ގޮތުން ބައިވެރިވެވަޑައިގަތް ކަމުގެ ތުހުމަތު ކުރެވޭ
  • މިދިޔަ ބުދަ ދުވަހު ކޮމިޝަނުން ބޭއްވި ބައްދަލުވުމުގައި ނިންމާފައިވަނީ އެކަން ތަހުޤީޤު ކުރުމަށް
  • ވިޔަފާރިން މަންފާ ލިބިވަޑައިގެން އެކަމުގެ މައުލޫމާތު މާލީ ބަޔާނުގައި ހާމަކޮށްފައި ނުވޭ

ކ. މާލެ | 13 ޖުލައި 2020 | ހޯމަ 23:35 | 3,094

ގާޒީ ބާރީ އާއި ކުރީގެ އުއްތަމަ ފަނޑިޔާރު އަބްދުﷲ ސައީދު- ގާޒީ ބާރީ ކުރިން ހުންނެވީ ކްރިމިނަލް ކޯޓުގައި - މިހާރު

ޖުވެނައިލް ކޯޓުގެ ގާޒީ ޢަބްދުލް ބާރީ ޔޫސުފު މާލީ ބަޔާން އޮޅުވާލާފައިވާ ކަމަށް ތުހުމަތު ކުރެވޭ މައްސަލައެއް ޖުޑީޝަލް ސަރވިސް ކޮމިޝަނުން ތަޙުޤީޤު ކުރަން ފަށައިފިއެވެ.

ހޯމަ ދުވަހު ޖޭއެސްސީން ނެރުނު ބަޔާނެއްގައި ބުނީ، ގާޒީ ޢަބްދުލް ބާރީ ޔޫސުފު ވިޔަފާރީގައި ޢަމަލީ ގޮތުން ބައިވެރިވެވަޑައިގަތުމަށް ފަހު، ވިޔަފާރިން މަންފާ ލިބިވަޑައިގެން އެކަމުގެ މައުލޫމާތު މާލީ ބަޔާނުގައި ހާމަކޮށްފައި ނުވާ މައްސަލައެއް ފާހަގަވެފައިވާ ކަމަށެވެ. އަދި އެ މައްސަލަ ޖޭއެސްސީން ތަހުޤީޤު ކުރުމަށް މިދިޔަ ބުދަ ދުވަހު ކޮމިޝަނުން ބޭއްވި ބައްދަލުވުމުގައި ނިންމާފައިވާ ކަމަށް ޖޭއެސްސީން ނެރުނު ބަޔާނުގައި ބުނެފައިވެއެވެ.

މާލީ ބަޔާނުގައި އޮޅުވާލާފައިވާ ކަމުގެ ތުހުމަތު ގާޒީ ބާރީގެ މައްޗަށް ކުރެވޭއިރު، އެމްއެމްޕީއާރްސީ މެދުވެރިކޮށް ހިޔާނަތްތެރިވި ފައިސާއިން މާލީ މަންފާ ހޯދިކަމަށް ބުނާ ފަނޑިޔާރުންގެ ތެރެއިން ގާޒީ ބާރީގެ މައްޗަށް ޖިޏާއީ ތަޙުޤީޤެއް ހިންގޭ ވަރަށް މައުލޫމާތު ލިބިފައިވާ ކަމަށާއި، އެ މައްސަލަ ބަލަމުންދާ ކަމަށް ފުލުހުން މީގެ ކުރިން ބުނެފައިވެއެވެ. އަދި އެކަމާ ގުޅިގެން އޭރު ޖޭއެސްސީން ވަނީ ގާޒީ އަބްދުލް ބާރީ ޔޫސުފް ސަސްޕެންޑުވެސް ކޮށްފައެވެ.

ޖުވެނައިލް ކޯޓުގެ ފަނޑިޔާރެއްގެ ގޮތުގައި ހަމަޖެއްސެވުމުގެ ކުރިން ގާޒީ ބާރީ ވަނީ ކްރިމިނަލް ކޯޓުގެ އިސްގާޒީ ކަންވެސް ކުރައްވާފައެވެ. އެގޮތުން އޭރު ގާޒީ ބާރީ ޖުވެނައިލް ކޯޓަށް ބަދަލުކުރީ ސުޕްރީމް ކޯޓުގެ ހުށަހެޅުމަކަށެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.