ކ. މާލެ
|
13 ޖުލައި 2020 | ހޯމަ 08:26
ޗައިނާގެ ރޭލްވޭ ސްޓޭޝަނެއްގައި މީހުން މާސްކު އަޅައިގެން ހަރަކާތްތެރިވަނީ
ޗައިނާގެ ރޭލްވޭ ސްޓޭޝަނެއްގައި މީހުން މާސްކު އަޅައިގެން ހަރަކާތްތެރިވަނީ
ރޮއިޓަރސް
ކޮވިޑް-19 ޗައިނާގެ ހާލަތު
ޗައިނާއިން މިހާރު ކޮވިޑް-19 ފެންނަމުން ދަނީ އެގައުމަށް އެތެރެވާ މީހުންގެ ތެރެއިން
 
ބެއިޖިންގ އިން އަލަށް ކޭސް އެއް ނުފެންނަތާ ހަތް ދުވަސް ވަނީ ވެފައި
 
ޗައިނާއިން އާދިއްތަ ދުވަހު ކޮވިޑް-19 ޖެހިފައިވަނީ 8 މީހުންނަށް

ދުނިޔޭގައި ހަލުވިކަމާއެކު ފެތުރެމުންދާ ކޮވިޑް-19 އެންމެ ފުރަތަމަ ފެނުނު ޗައިނާއިން މިހާރު ވައިރަސް އަށް ޕޮޒިޓިވްވެގެން ރިޕޯޓް ކުރަމުން އަންނަނީ އެގައުމަށް އެތެރެވާ މީހުންގެ ތެރެއިން ކަމަށް އެގައުމުގެ ނޭޝަނަލް ހެލްތު ކޮމިޝަނުން ހާމަކުރާ މައުލޫމާތުތަކުން ހާމަވެއްޖެއެވެ.

ޗައިނާއިން އާދިއްތަ ދުވަހު ކޮވިޑް-19 ޖެހިފައިވަނީ 8 މީހުންނަށެވެ. އޭގެ ކުރީ ދުވަހު އަލަށް ވައިރަސް ޖެހިފައިވަނީ 7 މީހުންނަށެވެ. މިއެންމެންނަކީ ވެސް އެގައުމަށް އެތެރެވެފައިވާ މީހުން ކަމަށް ޗައިނާގެ ނޭޝަނަލް ހެލްތު ކޮމިޝަނުން ބުނެއެވެ.

މީގެކުރިން ޗައިނާގައި އަލަށް ވައިރަސް ޖެހިގެން ރިޕޯޓް ކުރަމުން އައި ބެއިޖިން އިން އާދިއްތަ ދުވަހު ވެސް އެއްވެސް މީހަކަށް ވައިރަސް ޖެހިގެން ރިޕޯޓް ކޮށްފައެއްނުވެއެވެ. މިއީ ބެއިޖިންގ އިން އަލަށް ކޭސް އެއް ނުފެންނަތާ ޖެހިޖެހިގެން ހަތް ވަނަ ދުވަހުއެވެ.

އާދިއްތަ ދުވަހު ހަށިގަނޑުގައި ވައިރަސް ހުރިކަމުގެ ނިޝާނެއް ނުފެނި ހަ މީހަކު ވަނީ ވައިރަސް އަށް ޕޮޒިޓިވްވެފައެވެ. އޭގެކުރީ ދުވަހު މިގޮތަށް ވައިރަސް އަށް ޕޮޒިޓިވްވެގެން ފަސް މީހަކު ވަނީ ރިޕޯޓްކޮށްފައެވެ.

ޗައިނާއިން މިހާތަނަށް އައިއިރު 83,602 މީހުންނަށް ކޮވިޑް-19 ޖެހިފައިވާއިރު 4,634 މީހުން ވަނީ ވައިރަސް ޖެހިގެން މަރުވެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ސިމާހާ ނަސީމް
0%
0%
0%
0%
0%
0%
ކޮމެންޓް