ކ. މާލެ
|
10 ޖުލައި 2020 | ހުކުރު 08:10
ޖެންޑަރ މިނިސްޓަރ އައިޝަތު މުހައްމަދު ދީދީ- މިނިސްޓަރ ވަނީ ޤައުމީ ފެންވަރުގައި ކުރިއަށް ގެންދިޔަ ސްޓެކްހޯލްޑަރސް ބައްދަލުވުމުގައި ބައިވެރިވެވަޑައިގެންފައި
ޖެންޑަރ މިނިސްޓަރ އައިޝަތު މުހައްމަދު ދީދީ- މިނިސްޓަރ ވަނީ ޤައުމީ ފެންވަރުގައި ކުރިއަށް ގެންދިޔަ ސްޓެކްހޯލްޑަރސް ބައްދަލުވުމުގައި ބައިވެރިވެވަޑައިގެންފައި
އެންއީއޯސީ
އަންހެނުންނާއި ކުޑަކުދިންނަށް ކުރާ އަނިޔާ
އަންހެނުންނާއި ކުޑަކުދިންނަށް ކުރާ އަނިޔާތައް ހުއްޓުވުމަށް، ނިޒާމުގައި ހުރި ބާގަނޑުތައް ދެނެގަންނަން ޖެހޭ: މިނިސްޓަރ
 
އަމިއްލަ ޖަމިއްޔާ ޖަމާއަތްތަކާއި، ސަރުކާރުގެ ކަމާބެހޭ އެންމެހާ އިދާރާތަށް އެކުގައި މަސައްކަތް ކުރަން ޖެހޭ
 
މިނިސްޓަރ އެހެން ވިދާޅުވީ، ކަމާބެހޭ ސްޓޭކްހޯލްޑަރ ކޮންސަލްޓޭޝަން ބައްދަލުވުމުގައި ވާހަކަ ދައްކަވަމުން
 
އައްސަސާތަކާއި މަދަނީ ޖަމިއްޔާތަކާއި ގުޅިގެން ކުރެވިދާނެ މަސައްކަތްތަކަކީ ކޮބައިކަން ދެނެގަންނަން ޖެހޭ

އަންހެނުންނާއި ކުޑަކުދިންނަށް އަނިޔާތައް ހުއްޓުވުމަށް، އެކަމަށް މަސައްކަތް ކުރާ ނިޒާމުގައި ހުރި ބާގަނޑުތައް ދެނެގަންނަން ޖެހޭ ކަމަށް މިނިސްޓަރ އޮފް ޖެންޑަރ، ފެމިލީ އެންޑް ސޯޝަލް ސަރވިސަސް އައިޝަތު މުހައްމަދު ދީދީ ވިދާޅުވެއްޖެއެވެ.

މިނިސްޓަރ އެހެން ވިދާޅުވީ، އަންހެނުންނާއި ކުޑަކުދިންނަށް ކުރާ އަނިޔާ ހުއްޓުވުމާ ގުޅޭގޮތުން ސްޓެލްކޯގެ ޖަލްސާ ކުރާ މާލަމުގައި ގައުމީ ފެންވަރުގައި ކުރިއަށް ގެންދިޔަ ސްޓޭކް ހޯލްޑަރ ކޮންސަލްޓޭޝަން ބައްދަލުވުމުގައި ވާހަކަ ދައްކަވަމުންނެވެ.

މިނިސްޓަރ ވިދާޅުވީ، އަންހެނުންނާއި ކުޑަކުދިންނަށް ކުރާ ތަފާތު ގިނަ އަނިޔާތައް ހުއްޓުވުމަށް ކަމާއި ގުޅުންހުރި މުއައްސަސާތަކާއި މަދަނީ ޖަމިއްޔާތަކާއި ގުޅިގެން ކުރެވިދާނެ މަސައްކަތްތަކަކީ ކޮބައިކަން ދެނެގަތުމަށާއި، މި ނިޒާމްގައި ހުރި ބާގަނޑުތައް ދެނެގަނެ އެންމެން ގުޅިގެން މަސައްކަތް ކުރެވޭނެ ނިޒާމަކާ ދިމާއަށް ދިއުމަށް މަސައްކަތްތަކެއް ކުރަން ޖެހޭ ކަމަށެވެ.

އޭގެ އިތުރުން، ިފަދަ މަސައްކަތްތަކަކީ އެކަނި އެއް މުއައްސަސާއަކަށް ކުރެވޭނެ މަސައްކަތެއް ނޫންކަން ފާހަގަ ކުރައްވައި މިނިސްޓަރ ވިދާޅުވީ، މިއީ މުޖްތަމަޢުގެ އަފްރާދުންނާއި، އަމިއްލަ ޖަމިއްޔާ ޖަމާއަތްތަކާއި، ސަރުކާރުގެ ކަމާބެހޭ އެންމެހާ އިދާރާތަށް އެކުގައި މަސައްކަތްކޮށްގެން މެނުވީ ނުކުރެވޭނެ ކަމެއް ކަމަށެވެ.

މި ބައްދަލުވުމުގައި އަންހެނުންނާއި ކުޑަކުދިންނަށް ކުރާ އަނިޔާއާއި ދެކޮޅަށް މަސައްކަތް ކުރާ އެކި ފަރާތްތަކާއި ދައުލަތުގެ އެކި މުއައްސަސާތަކުން ބައިވެރިވެފައިވެއެވެ. އެގޮތުން މި ބައްދަލުވުމުގައި ޔުނިސެފް، އެޓަރނީ ޖެނެރަލްގެ އޮފީސް، ޕްރޮސެކިއުޓަރ ޖެނެރަލްގެ އޮފީސް، މޯލްޑިވްސް ޕޮލިސް ސަރވިސަސް އަދި މަދަނީ ޖަމްއިއްޔާތަކުން ބައިވެރިވެފައިވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ސިމާހާ ނަސީމް
0%
0%
0%
0%
0%
0%
ކޮމެންޓް