ބަސްމަގު ރަނގަޅުކުރުމަށް އެދި ބްރޯޑްކޮމްއިން ޗެނަލް 13 އަށް އަނެއްކާވެސް ނަސޭހަތްތެރިވެއްޖެ
9 ޖުލައި 2020 | ބުރާސްފަތި 14:17ބްރޯޑްކާސްޓްކުރުމުގެ ޤާނޫނާއި، ގަވާއިދާ އެއްގޮތަށް ކޮންޓެންޓް ގެނެސްދިނުމަށް ވަނީ އެދިފައި
ބްރޯޑްކާސްޓިންގ ކޮމިޝަންގެ މެންބަރުން ޗެނަލް 13 ގެ މުވައްޒަފުންނާއި ބައްދަލު ކުރަނީ
ޗެނަލް 13 ގެ ބައެއް ޕްރޮގްރާމްތަކުގައި ޢާންމު އިޖްތިމާޢީ މިންގަނޑަށް ނުފެތޭ ބަސްމަގު ބޭނުންކުރަމުންދާތީ މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) އިން އެ ސްޓޭޝަނަށް ނަސޭހަތްދީފިއެވެ.
ބްރޯޑްކޮމްއިން ބުނީ ޗެނަލް 13 ގެ ބައެއް ޕްރޮގްރާމްތަކުގައި ޢާންމު އިޖްތިމާޢީ މިންގަނޑަށް ނުފެތޭ ބަސްމަގު ބޭނުންކުރާކަން ފާހަގަކުރެވޭތީ، އެކަމާ ގުޅޭގޮތުން އެ ސްޓޭޝަނާ ބައްދަލުކޮށް، ބްރޯޑްކާސްޓްކުރުމުގެ ޤާނޫނާއި، ގަވާއިދާ އެއްގޮތަށް ކޮންޓެންޓް ގެނެސްދިނުމަށް އެ ސްޓޭޝަނަށް ނަސޭޙަތްތެރިވެފައިވާ ކަމަށެވެ.
ޗެނަލް 13 ގެ ޕްރޮގްރާމްތަކުގައި ބޭނުންކުރާ ބަސްމަގު މުޖުތަމަޢުގެ އަދަބު އަޚުލާޤުގެ މިންގަނޑަށް ފެއްތުމަށް ބްރޯޑްކާސްޓިންގ ކޮމިޝަނުން މީގެ ކުރިންވެސް ވަނީ ނަސޭހަތްތެރިވެފައެވެ. އަދި މިހާތަނަށް އެ ޓީވީ ސްޓޭޝަން އެއްވެސް އަދަދަކުން ޖޫރިމަނާ ކޮށްފައެއް ނުވެއެވެ.
