ކޮވިޑް-19 އަށް އިތުރު 16 މީހަކު ޕޮޒިޓިވްވެއްޖެއެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުދަ ދުވަހުގެ ރޭ ކުރި ޓުވީޓެއްގައި ބުނީ 8 ޖުލައިގެ އިރުއޮއްސި 06:00 ޖެހުމާއި ހަމައަށް ޖުމްލަ 2,517 މީހުން ޕޮޒިޓިވްވެފައިވާ ކަމަށެވެ. އަދި ވައިރަސްއަށް ފޮޒިޓިވްވި 16 މީހުންގެ ތެރޭގައި 11 ދިވެހިންނާއި 5 ބަންގްލަދޭޝް ރައްޔިތުން ހިމޭނެ ކަމަށެވެ.

މީގެ ތެރެއިން 319 އެކްޓިވް ކޭސް ހިމެނޭއިރު ޖުމްލަ 2180 މީހުން ވައިރަސް ޖެހި ރަނގަޅުވެފައިވާ ކަމަށެވެ.

އެޗްޕީއޭ އިން އިތުރަށް ބުނީ 107 މީހަކު ކަރަންޓީން ފެސިޓިލީގައި ތިބި ކަމަށާއި އައިސޮލޭޝަން ފެސިލިޓީގައި 267 މީހުން އެބަތިބި ކަމަށެވެ.

ކޮވިޑް-19 މި ބަލި ޖެހިގެން މިހާތަނަށް ނިޔާވެފައިވަނީ ޖުމްލަ 13 މީހުންނެވެ.