13 މީހުންނާއެކު މަހަށް ނުކުމެ އުޅުނު ދޯންޏެއް ބިންދައިގެން ހިނގައްޖެއެވެ.

އެމްއެންޑިއެފުން ބުނީ 13 ފަޅުވެރިންނާއެކު ނުކުމެ އުޅުނު މި ދޯނި ބިންދައިގެން ދިޔައީ ތ. ކިނބިދޫ ހުޅަނގު ދެކުނު 4 ނޯޓިކަލް މޭލު ބޭރުން ކަމަށެވެ. އޭގައި ތިބި އެއްމެންގެ ހާލު ވެސް ރަނގަޅު ކަމަށް އެމްއެންޑީއެފުން ބުނެއެވެ. މި ދޯންޏަކީ ތ. ވޭމަންޑޫ "ދިރުން" ނަމަކަށް ކިޔާ 91 ފޫޓް ދިގު ފައިބަރު ދޯންޏެކެވެ.

އެމްއެންޑިއެފުން ބުނީ ދޯނި ބިންދައިގެން ދިޔަ ހަބަރު ލިބުމާއެކު އެމްއެންޑިއެފް ސެންޓްރަލް އޭރިއާއިން ހަރަކާތްތެރިވާން ފަށާފައިވާ ކަމަށެވެ. މި ހާދިސާގެ މައުލޫމާތު އެމްއެންޑިއެފް ކޯސްޓްގާޑަށް ލިބުނީ ބުދަ ދުވަހުގެ ހެނދުނު 7:10 ހާއިރުއެވެ.

އެމްއެންޑީއެފުން ބުނީ ދޯނީގައި ތިބި 13 ފަޅުވެރިންގެ ތެރެއިން 11 މީހުންނަކީ ދިވެހިން ކަމަށާއި، ބާކީ ތިބި 2 މީހުންނަކީ ބިދޭސީން ކަމަށެވެ. އަދި ދޯނި ކަފުޖަހައިގެން ގެންދިއުމަށް ވެރި ފަރާތުން އުޅަނދެއް ހޯދުމުގެ މަސައްކަތް ކުރަމުންދާ ކަމަށް ވެސް އެމްއެންޑިއެފުން މައުލޫމާތުދެއެވެ.