ކ. މާލެ
|
7 ޖުލައި 2020 | އަންގާރަ 00:44
މެމްބަރު ރިޒާ މަޖިލީހުގެ ޖަލްސާއެއްގައި ވާހަކަ ދައްކަވަނީ
މެމްބަރު ރިޒާ މަޖިލީހުގެ ޖަލްސާއެއްގައި ވާހަކަ ދައްކަވަނީ
މަޖިލިސް
ރިޒާ ފުލުހަށް ހާޒިރުކުރުން
ހިއުމަން ޓްރެފިކިން މައްސަލާގައި ރިޒާ ފުލުހަށް ހާޒިރުކޮށްފި
 
ހާޒިރުކުރީ ހޯމަ ދުވަހުގެރޭ
 
ރިޒް ކުންފުނީގެ މައްޗަށް ބޮޑެތި ތުހުމަތުތަކެއް ކުރެވޭ
 
ކޮމެންޓެއްކުރަން ރިޒާ ބޭނުމެއް ނޫން

ބ. ބޮޑުފިނޮޅުގައި ރިސޯޓެއް ތަރައްގީ ކުރުމުގެ މަސައްކަތް ހަވާލުކޮށްފައިވާ ރިޒް ކޮމްޕެނީ ޕްރައިވެޓް ލިމިޓެޑްގެ މައްޗަށް ތުހުމަތުކުރެވޭ ހިއުމަން ޓްރެފިކިންގެ މައްސަލަތަކެއްގައި، އެ ކުންފުނީގެ މެނޭޖިން ޑިރެކްޓަރ އަދި ރައްޔިތުންގެ މަޖިލީހުގެ މިލަންދޫ ދާއިރާގެ މެމްބަރު އަލީ ރިޒާ ފުލުހަށް ހާޒިރުކޮށްފައެެވެ.

ފުލުހުންގެ މީޑިއާ އޮފިޝަލް ވިދާޅުވީ، އެ އިދާރާއިން ބަލަމުންދާ މައްސަލައަކާއި ގުޅިގެން ހޯމަ ދުވަހުގެރޭގެ ވަގުތެއްގައި ރިޒާ ފުލުހަށް ހާޒިރުކޮށްފައިވާ ކަމަށެވެ. އިތުރު ތަފްސީލެއް މީޑިއަ އޮފިޝަލް ހާމައެއް ނުކުރައްވައެވެ.

އެކަމާއި ގުޅޭ ގޮތުން ރިޒާ އަށް ގުޅާލުމުން އޭނާ ވިދާޅުވީ، ކޮމެންޓެއް ދެވެން ނެތް ކަމަށެވެ.

ބޮޑުފިނޮޅުގައި މަސައްކަތްކުރާ ކުރަމުންދިޔަ ބިދޭސީންނަށް ދޭން ޖެހޭ މުސާރަ ނުލިބޭތީ އެ މީހުން ކުރި ހަޅުތާލު ހޫނުވެ، އެތަނުގައި ތިބި ދިވެހިންތަކެއް ރަހީނުކޮށް އެ ރަށުގެ ތަކެއްޗަށް ބޮޑެތި ގެއްލުންތަކެއް ދިނެވެ. އެ މައްސަލާގައި 19 ބިދޭސީއަކު ފުލުހުންގެ ބެލުމުގެ ދަށަށް ވަނީ ގެންގޮސްފައެވެ. މައްސަލަ ފެންމަތިވުމުން އެ ބިދޭސީންނަށް ދޭން ޖެހޭ ހަތަރު މަހުގެ މުސާރާ ނުދޭވެ ކަމަށް އެކުންފުނިން ވަނީ އެއްބަސްވެފައެވެ. ސަބަބެއް ކަމަށް ބޮޑުފިނޮޅުގެ ކޮންޓްރެކްޓާރ ރިޒް ކުންފުނިން ބުނީ، ރަށް ހަވާލުކޮށްފައިވާ ސީލް ކުންފުނިން ފައިސާ ނުދޭތީއެވެ.

ހޯމަ ދުވަހު ފުލުހުން ނެރުނު ބަޔާނެއްގައި ބުނެފައިވަނީ، ބިދޭސީންނަށް މަޖުބޫރުކޮށް އެކްސްޕްލޮއިޓޭޝަންގެ އަމަލުތައް ހިންގައި މީހުން ޓްރެފިކްކުރަން މަގުފަހިވާ ގޮތަށް އަމަލުކޮށް ބިދޭސީންގެ ފަރާތުން އެކުންފުނިން ދައުލަތަށް ދައްކަންޖެހޭ ފީއާއި ފައިސާ ނުދައްކާ އެ މީހުންގެ ހައްގުތައް ނިގުޅައިގެންފައިވާ ކަމަށް ތުހުމަތުކުރެވޭ މައްސަލަ ތަހުގީގު ކުރަމުންދާ ކަމަށެވެ. ރިސޯޓް ތަރައްގީ ކުރުމަށް ކުރަންޖެހޭ މަސައްކަތްތަކާ ރިޒް ކުންފުނިން ހަވާލުވެ، މީހުން ޓްރެފިކްކުރުން ކަމަށް ތުހުމަތުކުރެވޭ ގޮތަށް ގަވާއިދާ ހިލާފަށް ގިނަ އަދަދެއްގެ ބިދޭސިންނަށް އޮޅުވާލައި، މަކަރާއި ހީލަތުން ރާއްޖެ އެތެރެކޮށްފައިވާ ކަމަށް އެ ކުންފުނީގެ މައްޗަށް ތުހުމަތު ކުރެވޭ ކަމަށް ވެސް ފުލުހުން ބުންޏެވެ.

މީގެ އިތުރުން ފުލުހުން ބުނީ، ޓްރެފިކް ކުރެވިފައިވާ ކަމަށް ބެލެވޭ ބިދޭސީ މަސައްކަތްތެރިން ރާއްޖޭގެ ރަށްތަކުން ހޯދައި، އެ ބިދޭސީންނާ ހަވާލުވެ، ކުންފުނީގެ ބެލުމުގެ ދަށުން ރާއްޖޭގެ އެއްރަށުން އަނެއް ރަށަށް ގެންގޮސް، ބިދޭސީންގެ ނިކަމެތިކަމާއި މަޖުބޫރީ ހާލަތުގެ ބޭނުން ނަހަމަ ގޮތުގައި ހިފައިގެން ގާނޫނާ ހިލާފު މަޖުބޫރުކުރުވުމެއް ކުރިމަތިކުރުވައި އެ މީހުންނަށް ދޭންޖެހޭ މުސާރައާއި އުޖޫރަނުދީ ގިނަ ދުވަސްތަކެއްވަންދެން މަސައްކަތް ކުރުވާފައިވާކަން އެ ކުންފުނީގެ މައްޗަށް ތުހުމަތު ކުރެވޭ ކަމަށެވެ.

ބިދޭސީންގެ ތެރެއިން މުސާރައާއި އިނާޔަތް ހޯދަން އަޑުއުފުލާ މީހުންނަށް ބިރުދައްކައި ވަޒީފާއިން ވަކިކޮށް އަނބުރާ މާލެ ފޮނުވާފައިވާ ކަމަށްވެސް ވަނީ ތުހުމަތު ކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
33%
0%
0%
0%
33%
33%
ކޮމެންޓް
7 ޖުލައި 2020 | އަންގާރަ 13:00
ޢ.މ.ކ.
ރިޟާ ގެ ކުންފުންޏަށް މަސަ އްކަތް ޙަވާލުކުރި 'ސީލް' ކުންފުންޏަށް ބ.ބޮޑުފިނޮޅު ލިބިފަ އި އޮތީ ޞަ އްޙަކޮންތޯ؟މިހެންމިދެންނެވީ އެހިސާބުގަ އި ހުރި ރަށްތަ އް ހަދަމުންދަނީ .......... ބަ އްލަވާ، ރަނގަޅަށް ބަ އްލަވާ. ދިވެހިންގެ ތެރޭގަ އި ކްރޮޕްޝަނާ އި ވަ އްކަން އޮޅުވާލުމާ މަކަރު ހީލަތް އަދި ބިޒީން ކުރުން އިންތިހާ އަށްގޮސް ގަ އުމު ފަސާދަވެ އްޖެ. ފަ އިސާ ފަ އިސާ ފަ އިސާ