ހުކުރު 14 އޯގަސްޓު 2020
04 މާ
1441 ޒުލްޙައްޖު 24
ފަތިސް 04:48
އިރުއަރާ 06:01
މެންދުރު 12:15
އަސްރު 15:29
އިރުއޮއްސޭ 18:20
އިޝާ 19:34
ކޮވިޑް-19 ޕާކިސްތާނުގެ ޙާލަތު

ޕާކިސްތާނުގެ ހެލްތު މިނިސްޓަރ ޒަފަރު މިރްޒާވެސް ކޮވިޑް-19ށް ޕޮޒިޓިވްވެއްޖެ

  • މިރްޒާ ވިދާޅުވީ، އެމަނިކުފާނުގެ ޙާލު ރަނގަޅު ކަމަށް
  • މިރްޒާ ގެންދަވަނީ ގޭގައި އެކަހެރިވެވަޑައިގެން ބައްޔަށް ފަރުވާ ހޯއްދަވަމުން
  • ޕާކިސްތާނުގެ ފޮރިން މިނިސްޓަރުވެސް ކޮވިޑް-19އަށް ޕޮޒިޓިވް

ކ. މާލެ | 6 ޖުލައި 2020 | ހޯމަ 17:33 | 3,124

ޕާކިސްތާނުގެ ހެލްތް މިނިސްޓަރ ޒަފަރު މިރްޒާ - މިރްޒާ ވިދާޅުވީ ބަލި ޙާލަތު އެހައި ގޯސް ނޫން ކަމަށް - އޭއެފްޕީ

ޕާކިސްތާނުގެ ހެލްތް މިނިސްޓަރ ޒަފަރު މިރްޒާ ކޮވިޑް-19 އަށް ޕޮޒިޓިވްވެއްޖެއެވެ.

ޓައިމްސް އޮފް އިންޑިއާގައި ރިޕޯޓްކޮށްފައިވާ ގޮތުން ޒަފަރު މިރްޒާ ކޮވިޑް-19 އަށް ޕޮޒިޓިވްވެފައިވާކަން ހޯމަ ދުވަހުގެ ވަގުތެއްގައި އެމަނިކުފާނު ވަނީ ކަށަވަރު ކޮށްދެއްވާފައެވެ.

މިރްޒާ ވިދާޅުވީ، އެމަނިކުފާނުގެ ޙާލު ރަނގަޅު ކަމަށާއި، މިހާރު ގޭގައި އެކަހެރިވެވަޑައިގެން ބައްޔަށް ފަރުވާ ހޯއްދަވަމުން ގެންދަވާ ކަމަށެވެ.

ޕާކިސްތާނުގެ ހެލްތް މިނިސްޓަރ ކޮވިޑް-19 އަށް ޕޮޒިޓިވް ވެފައިވާއިރު، ޕާކިސްތާނުގެ ފޮރިން މިނިސްޓަރ ޝާހު މަހްމޫދް ގުރައިޝީ ވެސް ވަނީ މީގެ 3 ދުވަސް ކުރިން ކޮވިޑް-19 އަށް ޕޮޒިޓިވްވެފައެވެ. އެގޮތުން ގުރައިޝީ ކުރެއްވި ޓްވީޓެއްގައި ވިދާޅުވީ ހުކުރު ދުވަހު މެންދުރެއް ހާއިރު ހުން އައުމުން ވަގުތުން ގޭގައި ކަރަންޓީނުވެފައިވާ ކަމަށެވެ. އަދި މިހާރުވެސް ގޭގައި ހުންނެވިކަމަށާއި އޮފީހުގެ މަސައްކަތްތައް ކުރިޔަށް ގެންދަވާނީ ގޭގައި ހުންނަވައިގެން ކަމަށް ގުރައީޝީ ވިދާޅުވިއެވެ.

ޕާކިސްތާނުގައި މިހާތަނަށް އައިއިރު ކޮވިޑް-19 231،000ށް ވުރެ ގިނަ މީހުންނަށް ވަނީ ޖެހިފައެވެ. އަދި ވައިރަސް ޖެހިގެން 4700ށް ވުރެ ގިނަ މީހުން ވަނީ މަރުވެފައެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.