ރާއްޖެ
ކޮވިޑް-19: ރާއްޖޭގެ ހާލަތު
ކޮވިޑް-19 ޖެހުނު އުމުރުން ދުވަސްވީ ދިވެހި ފިރިހެނަކު ނިޔާވެއްޖެ
މަރުވީ 80 އަހަރުގެ ދިވެހި ފިރިހެނެއް
ދާނިޝް ނިޡާމް, ރާއްޖެ އެމްވީ | 6 ޖުލައި 2020 | ހޯމަ 04:38
ދަރުމަވަންތަ ހޮސްޕިޓަލް
ކޮވިޑް-19 ޖެހިގެން 80 އަހަރުގެ ދިވެހި ފިރިހެނަކު ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނީ ކޮވިޑް-19 ޖެހިގެން މަރުވި މީހާއަށް ފަރުވާދެމުން އައީ ދަރުމަވަންތަ ހޮސްޕިޓަލްގެ 11 ވަނަ ފަންގިފިލާ (ޑީއެޗް-11) ގައެވެ. އޭނާ މަރުވެފައިވަނީ، ފަތިހު 04:35ގައެވެ.
މިއަދުގެ މަރާއި އެކު މިހާތަނަށް ކޮވިޑް-19 ޕޮޒިޓިވްވެ ފަރުވާ ހޯދަމުން ދަނިކޮށް 7 ދިވެހިން ވަނީ މަރުވެފައެވެ. އަދި ފަސް ބިދޭސީން މަރުވެފައިވެއެވެ.
މިހާތަނަށް ރާއްޖެއިން ޖުމްލަ 2468 މީހަކު ކޮވިޑް-19އަށް ޕޮޒިޓިވް ވެފައިވާއިރު ޖުމްލަ 2049 މީހަކު ވަނީ ބަލިން ފަސޭހަވެފައެވެ. މި ވަގުތު އެކްޓިވް ކޭސްގެ އަދަދަކީ 403 އެވެ.
