އިތުރު 33 މީހުން ކޮވިޑް-19 އަށް ޕޮޒިޓިވްވެއްޖެއެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ އާދިއްތަ ދުވަހުގެ އިރުއޮއްސި 06:00 ޖެހުމާއި ހަމައަށް 12 ދިވެހިންނާއި ބަންގްލަދޭޝްއަށް ނިސްބަތްވާ 18 މީހުންގެ އިތުރުން އިންޑިއާގެ 3 މީހުން ހިމެނޭ ކަމަށެވެ.

މިއާއެކު ޕޮޒިޓިވްވި މީހުންގެ އަދަދު ވަނީ ޖުމްލަ 2468ށް އަރާފައެވެ. މީގެ ތެރެއިން 404 އެކްޓިވް ކޭސް ހިމެނޭއިރު 19 މީހަކު އާދިއްތަ ދުވަހު ބަލިން ފަސޭހަވެފައިވާ ކަަމަށް ހެލްތް އެމެޖަންސީ އޮޕަރޭޝަން ސެންޓަރުން ބުނެއެވެ.

281 މީހަކު އައިސޮލޭޝަން ފެސެލިޓީގައި ތިބިއިރު 108 މީހަކު ކަރަންޓީންގައި ތިބި ކަމަށް އެޗްއީއޯސީއިން ބުނެއެވެ.

ކޮވިޑް-19 މި ބަލި ޖެހިގެން މިހާތަނަށް ނިޔާވެފައިވަނީ ޖުމްލަ 10 މީހުންނެވެ.