އިތުރު 18 މީހަކު ކޮވިޑަށް ޕޮޒިޓިވްވެ، 15 މީހަކު ބަލިން ފަސޭހަވެއްޖެ
2 ޖުލައި 2020 | ބުރާސްފަތި 19:58ކޮވިޑް-19 ޖެހުނު މީހުންގެ އަދަދު ވަނީ 2400ށް އަރާފައި
އަޒްލިފާ އަބްދުﷲ | 2 ޖުލައި 2020 | ބުރާސްފަތި 19:58
ކޮވިޑް-19 އަށް ޓެސްޓް ކުރަނީ
ކޮވޑް-19ށް އިތުރު 18 މީހަކު ޕޮޒިޓިވްވެ 15 މީހަކު ބަލިން ފަސޭހަވެއްޖެއެވެ.
ޕޮޒިޓިވްވި 18 މީހުންނާއެކު ރާއްޖޭގައި ކޮވިޑް-19 ޖެހުނު މީހުންގެ އަދަދު ވަނީ 2400ށް އަރާފައެވެ.
ބުދަ ދުވަހުގެ އިރުއޮއްސި 6:00ން ބުދަ ދުވަހުގެ އިރުއޮއްސި 6:00އާ ހަމައަށް ޕޮޒިޓިވްވި 18 މީހުންގެ ތެރޭގައި ހިމެނެނީ 7 ދިވެހިންނާއި، ބަންގުލަދޭޝަށް ނިސްބަތްވާ 11 މީހުންނެވެ.
ރާއްޖޭގައި މިވަގުތު ކޮވިޑް-19ށް ފަރުވާދެމުން އަންނަނީ 416 މީހުންނަށެވެ. ރާއްޖޭގައި ބަލިން ރަނގަޅުވި މީހުންގެ އަދަދު ވަނީ 1969ށް އަރާފައެވެ.
