ވީޒާ ފީ ދައްކާ މުއްދަތު އިތުރުކޮށްފި
2 ޖުލައި 2020 | ބުރާސްފަތި 04:45'''IM34'' ފޯމް ހަވާލުކުުރުމުން ފުރޭނެ ކަމަށް އިމިގްރޭޝަނުން ބުނި
އިމިގްރޭޝަންގެ މުވައްޒަފުންތަކެއް
ވީޒާ ފީ ދެއްކުމުގައި ދިމާވެފައިވާ މައްސަލަތަކަށް ހައްލެއް ހޯދައި ދިނުމަށް ވާރކް ވީޒާ ފީ ދައްކާ މުއްދަތު އިތުރުކޮށްފިއެވެ.
އިމިގްރޭޝަނުން ބުނީ، ޖޫރިމަނާ ފައިސާއާ ނުލައި ވީޒާ ފީގެ މުއްދަތު ޖުލައި 15 ގެ ނިޔަލަށް އިތުރުކޮށްފައިވާ ކަމަށެވެ. އެހެނިހެން ވީޒާ ފީ އޮންލައިންކޮށް ދެއްކޭނެ ގޮތް އަދި ހަމަޖައްސާފައެއް ނެތެވެ. މާޗް މަހުގެ 19ން ފެށިގެން އޮގަސްޓު މަހުގެ 31 އާ ދެމެދު މުއްދަތު ގައި ހަމަވެފައިވާ މީހުންގެ ވީޒާ ފީ ޖޫރިމަނާ ނުކުރާނެ ކަމަށް އިމިގްރޭޝަނުން ވަނީ ބުނެފައެވެ.
ވީޒާގެ މުއްދަތު އިތުރު ނުކުރެވޭ މީހުން ފުރައިގެން ދާން ބޭނުންނަމަ، އެޕްލިކޭޝަން ފޮރ އިމަރޖެންސީ ޑިޕަރޗަރ، ފޯމު ހުށަހަޅައިގެން ފުރޭނެ އެންމެ ފަހު ތާރީހަކީ އޮގަސްޓު މަހުގެ 31 އެވެ. ޓޫރިސްޓް ވިސާ އަދި ބިޒްނަސް ވީޒާގައި އެތެރެވެފައިވާ މީހުން އެއާޕޯޓް ހުޅުވާލުމުން ފުރައިގެންދާއިރު ވީޒާ އައުކުރުމަށް ހުށަހަޅާކަށް ވެސް ނުޖެހޭނެއެވެ. އެ މީހުންވެސް '''IM34'' ފޯމް ހަވާލުކުުރުމުން ފުރޭނެ ގޮތަށް އިމިގްރޭޝަނުން ވަނީ ހަމަޖައްސާފައެވެ.
ނަމަވެސް މާޗް މަހުގެ 19 ގެ ކުރިން ވީޒާ ހަމަވެފައިވާ މީހުން، މިހާރު ދޫކޮށްފައިވާ ވީޒާ މުއްދަތު އިތުރުކުރުމަށް ބޭނުންވާ ލިޔެކިއުންތައް އީމެއިލް ކުރަން އިމިގްރޭޝަނުން އިލްތިމާސް ކުރެއެވެ.
ކޮވިޑާ ގުޅިގެން އިމިގްރޭޝަނުގެ ގިނަ ހިދުމަތްތަކެއްް ފޯރުކޮށްދެނީ އޮންލައިންކޮށެވެ.
