ރަސްގެތީމު ބަނދަރު އަޕްގްރޭޑު ކުރުމާއި، ނަރުދަމާގެ ޢަމަލީ މަސައްކަތަށް ތައްޔާރުވެއްޖެ
ބަނދަރު އަޕްގްރޭޑް ކުރުމުގެ މަސައްކަތުގެ އަގަކީ 50,575,253.18ރ
ރަސްގެތީމު ބަނދަރު އަޕްގްރޭޑު ކުރުމަށް ބޭނުންވާ ސާމާނު އެރަށަށް މޮބިލައިޒް ކުރަނީ
ރ. ރަސްގެތީމުގެ ބަނދަރު އަޕްގްރޭޑް ކުރުމާއި، އެރަށު ނަރުދަމާގެ ޚިދުމަތަށް ބޭނުންވާ ސާމާނު އެ ރަށަށް ގެންގޮސް، ޢަމަލީ މަސައްކަތް ފަށަން ތައްޔާރުވެއްޖެއެވެ.
މިނިސްޓްރީ އޮފް ނޭޝަނަލް ޕްލޭނިންގ، ހައުސިންގް އެންޑް އިންފްރާސްޓްރަކްޗަރ އިން ކުރި ޓްވީޓެއްގައި ބުނީ، ރ. ރަސްގެތީމު ބަނދަރު އަޕްގްރޭޑް ކުރުމުގެ އަމަލީ މަސައްކަތް ފެށުމަށް ހެވީ ފޯސް ޕްރައިވެޓް ލިމިޓެޑުން 28 ޖޫން 2020 ގައި އެ ރަށުގައި މޮބިލައިޒްވެފައިވާ ކަމަށެވެ.
އެގޮތުން 50,575,253.18 (ފަންސާސް މިލިއަން ފަސްލައްކަ ހަތްދިހަ ފަސްހާސް ދުއިސައްތަ ފަންސާސް ތިން ރުފިޔާ އަށާރަ ލާރި) ޚަރަދުކޮށްގެން ކުރިއަށްގެންދާ މި މަޝްރޫޢަކީ 420 ދުވަހުގެ ތެރޭގައި ނިންމުމަށް ހަވާލުކޮށްފައިވާ މަޝްރޫޢެއްކަން ވެސް މިނިސްޓްރީން ފާހަގަ ކޮށްފައިވެއެވެ.
އޭގެ އިތުރުން، ރަސްގެތީމު ނަރުދަމާ މަސައްކަތާ ޙަވާލުވެފައިވާ އިންޑިއާގެ ކުންފުންޏެއް ކަމަށްވާ އެމް.އެމް އެކްސްޕޯރޓް އިންވެސް ބުދަ ދުވަހު ވަނީ މަސައްކަތަށް ބޭނުންވާ ސާމާނު ރަށަށް މޮބިލައިޒް ކޮށްފައެވެ. ޕްރޮޖެކްޓުގެ ޢަމަލީ މަސައްކަތަށް ބޭނުންވާ ސާމާނު ހިފައިގެން ރަށަށް ދިއުމުން ރައްޔިތުންގެ ފަރާތުން ހޫނު މަރުޙަބާއެއް ވެސް ކިޔާފައިވެއެވެ.
