މާލެއިން މާވަރުލު އެއަރޕޯޓަށް: އެއްކޮޅު ޓިކެޓްގެ އަގަކީ 827 ރުފިޔާ
ޝެޑިއުލް ދަތުރުތައް ފަށާނީ ޖުލައި މަހުގެ 1 ވަނަ ދުވަހު
މާވަރުލު އެއަރޕޯޓަށް ޓެސްޓް ފްލައިޓުތައް ޖެއްސުން
މާލެއިން ގދ. މާވަރުލަށް ދަތުރުކުރުމަށް އެއްކޮޅު ޓިކެޓްގެ އަގު މޯލްޑިވިއަން އިން ކަނޑައަޅައިފިއެވެ.
މޯލްޑިވިއަނުން ބުނީ އެއްކޮޅު ޓިކެޓެއްގެ އަގަކީ 827ރ. ކަމަށާއި 3335544 އަށް ގުޅުމުން އިތުރު މައުލޫމާތު ލިބޭނެ ކަމަށެވެ.
އަންނަ ޖުލައި މަހުގެ 1 ވަނަ ދުވަހު މާވަރުލު އެއަރޕޯޓަށް ޝެޑިއުލް ދަތުރުތަށް ފެށުމަށް ވަނީ ތައްޔާރުވެފައެވެ.
މުޅިން އަލަށް ޚިދުމަތް ފަށާ މި އެއަރޕޯޓްގެ މަސައްކަތް ނިންމައި ޓެސްޓް ފްލައިޓް ބާއްވާފައި ވަނީ މިއަހަރުގެ މާރޗު މަހުގެ 11 ވަނަ ދުވަހުއެވެ. ނަމަވެސް ކޯވިޑާއި ގުޅިގެން އެއަރލައިންތަކުގެ ދަތުރުތައް ހުއްޓާލާފައި ވާތީ، މިހާތަނަށް ވަނީ އެއަރޕޯޓްގެ ޝެޑިއުލް ދަތުރުތައް ނެފެށިއެވެ.
1200 މީޓަރު ދިގު ރަންވޭއަކާއި، ޓެކްސީވޭ އަދި ފްލަޓް ޕަރކިންގ އޭރިއާ އާއި ޓާމިނަލް ހެދުމުގެ އަމަލީ މަސައްކަތް ކޮށްފައިވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އެމްޓީސީސީ އާއި ހަވާލުކޮށް 57 މިލިއަން ރުފިޔާއަށެވެ.
