ގަން އިންޓަނޭޝަނަލް އެއަރޕޯޓު ހިންގާ އައްޑޫ އިންޓަނޭޝަނަލް އެއަރޕޯޓުގެ މެނޭޖިންގ ޑިރެކްޓަރުކަމަށް ބޭފުޅަކު ހަމަޖައްސައިފިއެވެ.
މެނޭޖިންގ ޑިރެކްޓަރު ކަމަށް ހަމަޖައްސާފައި ވަނީ ސ. ހިތަދޫ، ސީވިއު، ގައިސް ނަސީރުއެވެ. އެ މަޤާމަށް ބޭފުޅަކު ހަމަޖައްސާފައިވަނީ މަޤާމު ހުސްކޮށް އޮންނަތާ އެއްއަހަރު އަހަރަކަށްވުރެން ގިނަ ދުވަސް ފަހުންނެވެ.
މީގެ ކުރިން އައްޑޫ އިންޓަނޭޝަނަލް އެއަރޕޯޓުގެ މެނޭޖިންގް ޑިރެކްޓަރު އަދާކުރެއްވީ ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) ގެ ރައީސް މުހައްމަދު ލަތީފުއެވެ. ލަތީފު އެ މަގާމާ ހަވާލުވެވަޑައިގެންނެވީ 2018 ވަނަ އަހަރުގެ އޭޕްރީލް މަހުގެ ތެރޭގައެވެ. ނަމަވެސް އެ އަހަރުގެ ނޮވެމްބަރު 22 ވަނަ ދުވަހު ޕްރައިވެޓައިޒޭޝަން ބޯޑުން ސަރުކާރުގެ ގިނަ ކުންފުނިތަކެއްގެ ބޯޑުގައި ހިމެނޭ މެމްބަރުން މަގާމުން ދުރުކުރިއިރު، ލަތީފު ވެސް ވަނީ މާޤާމުން ދުރުކޮށްފައެވެ.
