ބުދަ 08 ޖުލައި 2020
08 ފުނޯސް
1441 ޒުލްގައިދާ 17
ފަތިސް 04:41
އިރުއަރާ 05:59
މެންދުރު 12:15
އަސްރު 15:38
އިރުއޮއްސޭ 18:23
އިޝާ 19:41
ވިއެޓްނާމްގެ ބޯޑަރު ހުޅުވާލުން

ވިއެޓްނާމްގެ ބޯޑަރު އަލުން ހުޅުވާލައިފި

  • ވިއެޓްނާމްގެ ބޯޑަރު ބަންދުކުރީ މާޗް މަހުގައި
  • ޖަޕާނުގެ އިތުރުން އެހެން ގައުމަށް އަދި އެ ހުއްދައެއް ނުދޭ

ކ. މާލެ | 26 ޖޫން 2020 | ހުކުރު 13:36 | 2,337

ވިއެޓްނާމްގެ ބޯޑަރު ޖަޕާނަށް އަލުން ހުޅުވާލުމާއެކު ވިއެޓްނާމަށް އައި ފުލައިޓްގައި ދަތުރުކުރި ފަސިންޖަރަކު އޭނާގެ ދަރިފުޅު އުރާލަނީ - ސީ.އެން.އެން

ކޮވިޑް-19އާ ގުޅިގެން ވިއެޓްނާމްގެ ބޯޑަރު ބަންދުކޮށްފައި އޮތް އޮތުން ނިމުމަކަމަށް ގެނެސް ފުރަތަމަ ފަހަރަށް ޖަޕާނުން ފްލައިޓްތައް އައުމުގެ ހުއްދަ ދީފިއެވެ.

އެގޮތުން ބުރާސްފަތި ދުވަހު ވަނީ ޖަޕާނުގެ ވިޔަފާރިވެރިންތަކެއް އެ ޤައުމަށް ވައިގެ މަގުން ދަތުރުކޮށްފައެވެ. މިއީ ކޮވިޑް-19 އާ ގުޅިގެން ވިއެޓްނާމްގެ ބޯޑަރު ބަންދުކުރި ފަހުން އެ ޤައުމަށް ދަތުރުކުރި ފުރަތަމަ ފްލައިޓެވެ.

ވިއެޓްނާމަށް އަންނަ ބޭރުގެ ފްލައިޓްތައް މަނާކޮށް އެ ޤައުމުގެ ބޯޑަރު ބަންދުކޮށްފައި ވަނީ މާރޗް މަހުގެ ތެރޭގައެވެ. އަދި 100ށް ވުރެ ގިނަ ޤައުމުތަކުން ޖަޕާނަށް އެތެރެވުން މަނާކޮށްފައިވާއިރު މީގެ ތެރޭގައި ވިއެޓްނާމް ވެސް ހިމެނެއެވެ.

ނަމަވެސް ދެ ޤައުމުން އަންނަނީ ކޮވިޑް-19 އާއި ގުޅިގެން އަޅާފައިވާ ފިޔަވަޅުތަކަށް ލުއި ދެމުންނެވެ. އެގޮތުން ދެ ޤައުމުގެ ދެމެދުގައި ޗާޓާޑް ފްލައިޓްތައް ދަތުރުކުރުން އަލުން ވަނީ ފަށާފައެވެ. މި ފްލައިޓުން ދަތުރުކުރި 150 މީހުން ފުރުމުގެ ކުރިން ހަށިގަނޑުގެ ފިނި ހޫނުމިން ބަލާ، ކޮވިޑަށް ޓެސްޓް ކޮށްފައިވެއެވެ. އަދި ވިއެޓްނާމަށް އެތެރެވުމަށްފަހު 2 ހަފްތާ ވަންދެން ހޮޓަލެއްގައި ކަރަންޓީން ކޮށްފައިވެއެވެ.

މީގެ އިތުރުން ހުކުރު އަދި ހޮނިހިރު ދުވަހު ވެސް ޗާޓާޑް 2 ފްލައިޓް ދެ ޤައުމުގެ ދޭތެރޭގައި ދަތުރުކުރުމަށް ވަނީ ހަމަޖެހިފައެވެ. މި ދެ ފްލައިޓުގައި 440 މީހުން ޖަޕާނުން ވިއެޓްނާމަށް ދަތުރު ކުރުމަށް ވަނީ ހަމަޖެހިފައެވެ.

ދަތުރު ކުރި މީހުންގެ ތެރެއިން 130 މީހުންނަކީ ޓޯކިޔޯގައި ހުންނަ ޖަޕާނުގެ އިލެކްޓްރޯނިކްގެ އާލާތްތައް އުފައްދާ ޝާޕް ކޯޕަރޭޝަންގެ މުވައްޒަފުންނެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: ސިމާހާ ނަސީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.