ކ. މާލެ
|
21 ޖޫން 2020 | އާދީއްތަ 23:36
ޖަރުމަނުވިލާތުގައި ކޮވިޑް-19 ކޭސްތައް ދަނީ އިތުރުވަމުން
ޖަރުމަނުވިލާތުގައި ކޮވިޑް-19 ކޭސްތައް ދަނީ އިތުރުވަމުން
ގޫގުލް
ޖަރުމަނުގައި ކޮވިޑް-19 ފެތުރުން
ޖަރުމަނުގައި ކޮވިޑް-19 ކޭސްތައް ރިޕޯޓުކުރާ މިންވަރު އިތުރުވެ ދެވަނަ ރާޅެއް އައިސްދާނެ ކަމުގެ އިންޒާފު ދީފި
 
ރައްކާތެރިކަމުގެ ފިޔަވަޅު އަޅަން ޖެހޭ
 
ބަލިޖެހޭ ކޮންމެ 100 މީހެއްގެ ފަރާތުން 179 މީހުންނަށް ބަލި ޖެހޭ

ޖަރުމަނުވިލާތުގައި ކޮވިޑް-19 ކޭސްތައް ރިޕޯޓުކުރާ މިންވަރު އިތުރުވެ ދެވަނަ ރާޅެއް އައިސްދާނެ ކަމުގެ އިންޒާފު ދީފިއެވެ.

ބޭރުގެ މީޑީއާތަކުގައި ރިޕޯޓުކޮށްފައިވާ ގޮތުގައި ކޮވިޑް-19 އިން އަލަށް ފެންނަ ކޭސްތަކުގެ ރޭޓް 1.79 ވަނީ އަރާފައެވެ. އެހެންކަމުން ބޮޑު ސާޖެއް އަތުވެދާނެ ކަމުގެ އިންޒާރު މިހާރު ވަނީ ދީފައެވެ.

އެގައުމުގެ ޑިޒީސް ކޮންޓްރޯލް އޭޖެންސީ، ރޮބަޓް ކޮޗް އިންސްޓިޓިއުޓުން ބުނެފައިވާ ގޮތުގައި ހުކުރު ދުވަހު ޕޮޒިޓިވްވި ކޭސްތަކުގެ އާރް ރޭޓް 1.06 ށް އެރުމަށްފަހު މިހާރު 1.79 ށް ވަނީ އަރާފައެވެ. އެހެންކަމުން ބަލިޖެހޭ ކޮންމެ 100 މީހެއްގެ ފަރާތުން 179 މީހުންނަށް ބަލި ޖެހެއެވެ.

ބަލި ފެތުރޭ މިންވަރު ބަލާ މިންގަނޑު ރޭޓް، އާރް ވީހާ ވެސް ދަށުގައި ބެހެއްޓުން މުހިންމު ކަމަށާއި، އާރް ރޭޓް މަތިވާ ކަމަށްވާނަމަ އެއީ ނުރައްކަލެއް ކަމަށް ބުނެފައިވެއެވެ. އަދި ވައިރަސް ކޮންޓްރޯލް ކުރަން ބޭނުންވާ ކަމަށްވާނަމަ އާރް ރޭޓް މަތިވިޔަ ނުދިނުމަށް އަޅަން ޖެހޭ ފިޔަވަޅުތައް އަޅަން ޖެހޭ ކަމަށް ރޮބަޓް ކޮޗް އިންސްޓިޓިއުޓުން ބުނެއެވެ.

ޔޫރަޕުގެ ބޮޑެތި އެހެން ޤައުމުތަކާއި ޚިލާފަށް ޖަރުމަނުން ވަނީ ކޮވިޑް-19 ފެތުރުން ކޮންޓްރޯލް ކުރުމަށް ވަރުގަދަ ފިޔަވަޅުތަކެއް އަޅާ ކޮންޓްރޯލްކުރުމުގައި ކާމިޔާބީތަކެއް ހޯދާފާއެވެ. ނަމަވެސް ޖަރުމަނުވިލާތުގައި ކޭސްތައް އިތުރުވާން ފަށާފައިމިވަނީ އެގައުމުގައި އަޅާފައިވާ ރައްކާތެރިކަމުގެ ފިޔަވަޅުތައް ލުއިތަކެއް ދިން ފަހުންނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
100%
0%
0%
0%
ކޮމެންޓް