ރަޝިއާގައި ފަގީރުކަން އޮތް މިންވަރު ދެބައިކުޅައެއްބަޔަށް ކުރިއަށް އޮތް ހަ އަހަރު ތެރޭ ދަށްކުރާނަން: ރައީސް ޕޫޓިން
ރައީސް ޕޫޓިން މިހެން ވިދާޅުވީ މިއަހަރުގެ ރިޔާސީ ބަޔާން އިއްވަވަމުން
ރަޝިއާގެ ރައީސް ޕޫޓިން
ރަޝިއާ ގައި ފަގީރުކަން އޮތް މިންވަރު މިހާރު އޮތް މިންވަރަށް ވުރެ ދެބައިކުޅައެއްބައި، ކުރިއަށް އޮތް ހައަހަރު ތެރޭ ދަށްކުރަން މަސައްކަތް ކުރައްވާނެ ކަމަށް އެގައުމުގެ ރައީސް ވްލަޑީމިއާ ޕޫޓިން ވިދާޅުވެއްޖެއެވެ.
ރައީސް ޕޫޓިން އިއްވެވި މިއަހަރުގެ ރިޔާސީ ބަޔާނުގައި އެމަނިކުފާނު ވިދާޅުވީ ވަޒީފާތައް އިތުރުކުރަން އެމަނިކުފާނު ބޭނުންވެވަޑައިގަންނަވާ ކަމަށާއި "ކޮންމެ މީހަކީވެސް މުހިންމު" މީހެއް ކަމަށެވެ.
މި މާޗް މަހު މަހު 18 ވަނަ ދުވަހު ރަޝިއާގެ ރިޔާސީ އިންތިޚާބު އޮންނާނެއެވެ. ރައީސް ޕޫޓިން މި އިންތިޚާބު ފަސޭހަކަމާއެކު ކާމިޔާބު ކުރައްވާނެ ކަމަށް ބެލެވޭއިރު ޕޫޓިން އާ ވާދަކުރަވާ ކެނޑިޑޭޓުންނަށް މާބޮޑު ކާމިޔާބެއް ލިބޭނެ ކަމަށް ނުބެލެވެއެވެ.
ރަޝިއާގެ ރިޔާސީ އިންތިޚާބުގައި އިދިކޮޅު މައި ލީޑަރު އެލްކްސީ ނަވަލްނީ ވާދަކުރެއްވުން މަނާކުރެވިފައިވާ އިރު އޭނާ ވަނީ މާޗް 18 ގައި ބާއްވާ އިންތިޚާބު ބޯއިކޮޓް ކުރުމަށް ގޮވާލާފައެވެ.
ބުރާސްފަތި ދުވަހު ރަޝިއާގެ ގާނޫނު ހަދާ މަޖިލީހުގައި ރިޔާސީ އިންތިޚާބު އިއްވަވަމުން ރައީސް ޕޫޓިން ވިދާޅުވީ "މިއަދު ރަޝިއާގައި 20 މިލިއަން ފަގީރުންގެ ގޮތުގައި އެބަތިބި ކަމަށާއި އެދަދު ދަށްކުރަން ބޭނުންވާ ކަމަށެވެ."
ރައީސް ޕޫޓިން ވިދާޅުވީ ރަޝިއާ އަކީ ދުނިޔޭގައި މުހިންމު ގައުމެއް ކަމަށާއި، ރަޝިއާ އަކީ އިގްތިސާދީ ގޮތުންނާއި އަދި އަސްކަރީ ގޮތުން ވެސް ބާރުގަދަ ގައުމެއް ކަމަށެވެ. އެހެން ނަމަވެސް ރަޝިއާ އިން އާންމު ރައްޔިތުންގެ ދިރިއުޅުމުގެ ފެންވަރު މިހާރަށް ވުރެ ރަނގަޅު ކުރުމަކީ ވަރަށް މުހިންމު ކަމެއް ކަމަށް ވެސް ރައީސް ޕޫޓިން ވިދާޅުވިއެވެ.
