ހޯމް ކަރަންޓީނާ ހިލާފުވި ދެ މީހަކު ފުވައްމުލައް ސިޓީން ހައްޔަރުކޮށްފި
21 ޖޫން 2020 | އާދީއްތަ 13:36ހައްޔަރުކުރީ ބޭރަށް ނުކުތުމުން
ފުވައްމުލަކު ސިޓީއަށް ހޯމް ކަރަންޓީނަށް ގެންދިޔަ ބަޔަކު ފުރަން އެއަރޕޯޓުގައި
ހޯމް ކަރަންޓީނާ ހިލާފުވި ދެމީހަކު ހައްޔަރުކޮށްފައިވާ ކަމަށް ފުވައްމުލައް ސިޓީ ކައުންސިލުން ބުނެފިއެވެ.
ފުވައްމުލައް ސިޓީ ކައުންސިލުން ބުނީ ހޯމް ކަރަންޓީނުގައި ތިބި ދެމީހަކު ކަރަންޓީނުގެ އުސޫލުތަކާއި ޚިލާފުވެ ބޭރަށް ނުކުތުމުގެ ސަބަބުން ހައްޔަރު ކޮށްފައިވާ ކަމަށެވެ. އާދިއްތަ ހައްޔަރު ކުރި ދެ މީހުންގެ ތެރެއިން އެކަކުގެ ބަންދުގެ މުއްދަތަށް 14 ދުވަސް ޖަހާފައިވާ ކަމަށް ކައުންސިލުން ވަނީ މައުލޫމާތު ދީފައެވެ.
އެޗްޕީއޭގެ އުސޫލުގައި ވާގޮތުން ހޯމް ކަރަންޓީނުވުމުގެ މުއްދަތަކީ 14 ދުވަހެވެ. ވީމާ މިހާރު ހޯމް ކަރަންޓީނުވަމުން އަންނަ ހުރިހާ މީހުން ވެސް މުޅި މުޖުތަމައުގެ ސަލާމަތާއި ރައްކާތެރިކަމަށް މި އުސޫލްގައިވާ ގޮތަށް އަމަލްކޮށް، 14 ދުވަސް ހަމަވަންދެން ގެއިން ބޭރަށް ނުނިކުމެ ތިބުމަށް ފުވައްމުލަކު ސިޓީ ކައުންސިލުން ވަނީ އެދިފައެވެ.
ރަށްރަށް ހޯމް ކަރަންޓީނުވާން ފޮނުވާ ފަރާތްތައް، ކަރަންޓީނުގެ މުއްދަތު ހަމަކުރުމުން ދޫކޮށްލާ ގޮތަށް ހަމަޖެހިފައިވަނީ ޕީސީއާރް ޓެސްޓެއް ހެއްދުމަށް ފަހުއެވެ. އެންއީއޯސީގެ ތަރުޖަމާނު މަބްރޫކް އަޒީޒް ވިދާޅުވީ، 15 ވަނަ ދުވަހު ސާމްޕަލްތައް ނެގުމަށްފަހު، 18 ވަނަ ދުވަހު ނަތީޖާ ލިބޭނެ ކަމަށެވެ.
