އައްޑޫން 65 އަހަރުގެ މީހަކު ކޮވިޑް-19ށް ޕޮޒިޓިވްވެއްޖެ
12 ޖޫން 2020 | ހުކުރު 10:4065 އަހަރުގެ މި މީހާގެ ހާލު ރަނގަޅު
ކޮވިޑްއަށް ޓެސްޓުކުރުމުގެ މަސައްކަތް ކުރިއަށްގެންދަނީ
އައްޑޫ ސިޓީން 65 އަހަރުގެ މީހަކު ކޮވިޑް-19ށް ޕޮޒިޓިވްވެއްޖެއެވެ.
އެޗްޕީއޭއިން ބުނި ގޮތުގައި އެ އަންހެން މީހާއަކީ މާލެއިން އައްޑުއަށް ދިޔުމަށްޓަކައި ޓްރާންސިޓް ކަރަންޓީން ފެސިލިޓީގައި ހުރި މީހެކެވެ. އަދި އެ މީހާ ކަރަންޓީންގައި ހުރީ މާމަ ދަރިފުޅާ އެއް ކޮޓަރިއެއްގައި ކަމަށާއި، ނަމަވެސް އެ ކުއްޖާ ކޮވިޑް-19ށް ނެގެޓިވްވެފަައިވާކަމަށް އެޗްޕީއޭއިން ބުންޏެވެ. އެޗްޕީއޭއިން ބުނީ އެ މީހާގެ ހާލު ރަނގަޅު ކަމަށެވެ.
ބުރާސްފަތި ދުވަހު ރާއްޖެއިން ކޮވިޑް-19ށް އިތުރު 14 މީހަކު ޕޮޒިޓިވްވެ، 32 މީހަކު ބަލިން ވަނީ ފަސޭހަވެފައެވެ. އެޗްޕީއޭއިން އާއްމުކޮށްފައިވާ މައުލޫމާތުތަކަށް ބަލާއިރު ޕޮޒިޓިވްވި 14 މީހުންގެ ތެރޭގައި ހިމެނެނީ ބަންގްލަދޭޝްގެ 8 މީހުންނާއި، 5 ދިވެހިންގެ އިތުރުން ލަންކާގެ މީހެކެވެ. އެއާއިއެކު ރާއްޖެއިން މިހާތަނަށް ފެނުނު ޕޮޒިޓިވް ކޭސްތަކުގެ އަދަދު ވަނީ 1976ށް އަރާފައެވެ.
