ހުޅުލޭ ފެރީ ސަރަހައްދުގައި ހަމަނުޖެހުން ހިންގި މީހުން ހޯދަނީ
އެކަކު ވަނީ ހައްޔަރު ކޮށްފައި
ހުޅުލޭ ފެރީ ޓާމިނަލް ސަރަހައްދުގައި ހަމަނުޖެހުން ހިންގަނީ
ބުރާސްފަތި ދުވަހުގެ ވަގުތެއްގައި ހުޅުލޭ ފެރީ ސަރަހައްދުގައި ހަމަނުޖެހުން ހިންގި މީހަކު ހައްޔަރުކޮށް އިތުުރު ބަޔަކު ހޯދުމުގެ މަސައްކަތް ފުލުހުން ފަށައިފި އެވެ.
ފުލުހުން ބުނީ، ބުރާސްފަތި ދުވަހު މެންދުރު 13:30 ހާއިރު ހުޅުލޭ ފެރީ ސަރަހައްދުގައި ހިންގި ހަމަނުޖެހުމެއްގެ މަންޒަރު ފުލުހުންގެ ސީސީޓީވީ އަށް ފެނިގެން އެތަނަށް ފުލުހުން ގޮސް ހަމަނުޖެހެހުން ހިންގި ދިވެހި ފިިރިހެނަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ. ނަމަވެސް ހަމަނުޖެހުން ހިނގަން މެދުވެރިވި ސަބަބު ފުލުހުން ހާމައެއް ނުކުރެއެވެ.
ފުލުުހުން ބުނީ ހަމަނުޖެހުން ހިންގުމުގައި ބައިވެރިވި އިތުރު މީހުން ހޯދުމުގެ މަސައްކަތް މައްސަލައިގެ ތެރެއިން ކުރަމުންދާ ކަމަށެވެ.
އެ ސަރަހައްދުގައި މާރާމާރީ އެއް ހިންގާ ވީޑިއޯއަށް ދަނީ ދައުރުވަމުންނެވެ.
