ހުކުރު ދުވަހުގެ ރޭ ހަނދުކޭތަ ހިފާނެ، ކޭތަ ނަމާދު ކުރުން އެރޭ 12:15 ގައި!
މި ފަނޑުހިޔަނީގެ ކޭތައަކަށްވުމުން ކޭތަފާޅު ވާނީ ވަރަށް ކުޑަކޮށް
މީގެ ކުރިން ހިފާފައި ހުރި ހަނދުކޭތައެއް
ހުކުރު ދުވަހުގެ ރޭ ރާއްޖޭގެ ގަޑިން 22:15ން ފެށިގެން ފަނޑު ހިޔަނީގެ ހަނދުކޭތައެއް ހިފާނެ ކަމަށާއި، ހޮނިހިރު ވިލޭރޭގެ މެންދަމު 00:15 ގައި ކޭތަނަމާދު ކުރުން ހުރިހާ ރަށެއްގައި ހުންނަ އެންމެބޮޑު މިސްކިތުގައި އޮންނާނެ ކަމަށް އިސްލާމިކް މިނިސްޓްރީ ބުނެފި އެވެ.
އިސްލާމިކް މިނިސްޓްރީން ބުނީ 5 ޖޫން ވާ ހުކުރު ދުވަހުގެ ރޭ ރާއްޖޭގެ ގަޑިން 22:15 އިން ފެށިގެން ފަނޑު ހިޔަނީގެ ހަނދުކޭތައެއް ހިފާނެ ކަމަށާއި، މި ހަނދުކޭތަ ހިފަން ފަށާނީ 22:45 ގައި ކަމަށެވެ. އަދި ހަނދުކޭތަ އެންމެ ބޮޑަށް ހިފާފައި ހުންނާނީ، އެރޭގެ މެންދަމު 00:24 ގައި ކަމަށާއި ހަނދުކޭތަ ވީއްލާނީ އެރޭ މެންދަމު 12:04 ގައި ކަމަށެވެ.
އިސްލާމިކް މިނިސްޓްރީން ބުނީ މި ފަނޑުހިޔަނީގެ ކޭތައަކަށްވުމުން ކޭތަފާޅު ވާނީ ވަރަށް ކުޑަކޮށް ކަމަށެވެ. އަދި މިކޭތައާ ގުޅިގެން ކޮންމެ ރަށެއްގައިވެސް ހުންނަ އެންމެ ބޮޑު މިސްކިތުގައި ހޮނިހިރު ވިލޭރޭގެ މެންދަމު 00:15 ގައި ކޭތަ ނަމާދު ކުރުން އޮންނާނެ ކަމަށް މިނިސްޓްރީން ބުނެއެވެ.
އިސްލާމިކް މިނިސްޓްރީން ބުނީ ރާއްޖޭގައި މީހުން ދިރިއުޅޭ ރަށްރަށުގައި ހުންނަ އެންމެ ބޮޑު މިސްކިތުގައި 2020 ޖޫން 06 ވާހޮނިހިރު ވިލޭރޭގެ މެންދަމު 00:15 ގައި ކޭތަނަމާދު ކުރެވޭނޭ އިންތިޒާމު ރަށު ކައުންސިލުގެ އިދާރާއިން ހަމަޖައްސައި ދިނުމަށް އެދޭ ކަމަށެވެ.
ކޭތަ ނަމާދުގެ ޚުޠުބާ 2020 ޖޫން 04 ވަނަ ދުވަހުން ފެށިގެން މިނިސްޓްރީގެވެބްސައިޓްއިން ލިބޭނެއެވެ.
