ވިޔަފާރިތަކަށް ހުއްދަ ދޫކުރުންވެސް ފުލުހުންގެ ޕޯޓަލް މެދުވެރިކޮށް
4 ޖޫން 2020 | ބުރާސްފަތި 10:54މި ބަދަލު ގެނެސްފައިވަނީ މާލެ ސިޓީ ކައުންސިލްގެ ޕޯޓަލް މެދުވެރިކޮށް އެ ހިދުމަތް ދެމުންގެންދަނިކޮށެ
ވިޔަފާރިއަކުން ބަޔަކު ހިދުމަތް ހޯދަނީ
ވިޔަފާރީގެ ހުއްދަތައް ދޫކުރުމުގެ މަސައްކަތް މާލެ ސިޓީ ކައުންސިލުން ކުރިއަށްގެންދަނިކޮށް، އެ ހިދުމަތް ފުލުހުންގެ ޕޯޓަލް މެދުވެރިކޮށްދޭގޮތަށް ހަމަޖައްސައިފި އެވެ.
ފުލުހުންކޮށްފައިވާ ޓުވީޓެއްގަިއ ބުނެފައިވަނީ ޕޮލިސް އޮންލައިން ޕޯރޓަލް މެދުވެރިކޮށް ބިޒްނަސް ޕަރމިޓްއަށް މިހާރު ރިކުއެސްޓް ކުރެވޭނެކަމަށެވެ.
އެ ހިދުމަތް ފުލުހުންގެ ޕޯޓަލް މެދުވެރިކޮށް ކުރިއަށްގެންދާގޮތަށް ހަމަޖައްސާފައިވަނީ، މާލެ ސިޓީ ކައުންސިލްގެ ޕޯޓަލް މެދުވެރިކޮށް އެ ހިދުމަތް ދެމުންގެންދަނިކޮށެވެ. ނަމަވެސް މި ބަދަލު ގެނައި ސަބަބެއް އަދި ހާމަކޮށްފައެއް ނުވެ އެވެ.
މެއި މަހުގެ 29 ވަނަ ދުވަހުން ފެށިގެން ލޮކްޑައުންގައި އަޅާފައިވާ ފިޔަވަޅުތަކަށް ލުއިތަކެއް ދިނުމަށް ފަށާއިރު ގިނަ ފިހާރަތަކެއް ހުޅުވާލުމުގެ ވަނީ ފުރުސަތު ދީފަ އެވެ. ސުޕަރމާކެޓްތަކާއި ބޭކަރީތަކާއި އާންމު ދިރިއުޅުމަށް ބޭނުންވާ އަސާސީ ތަކެތި ވިއްކާ ކަންމަތީ ފިހާރަތަކާއި ތަރުކާރީ އާއި މޭވާ ވިއްކާ ފިހާރަތަކައި، ފަރމަސީތައް، ދިވެހި ބޭސް ވިއްކާ ފިހާރަތައް، ބުކްޝޮޕްސް، ސްޓޭޝަނަރީ ވިއްކާ ފިހާރަތަކާއި، ކުޑަކުދިންގެ ސާމާނު ވިއްކާ ފިހާރަތައް އަދި ހާޑުވެއަރ ފިހާރަތައް ހުޅުވާލުމަށް ފުރުސަތު ދިނުމަށް ނިންމާފައިވެއެވެ.
އޭގެއިތުރުން އޮންލައިން ޑެލިވަރީ އަށް ބައެއް ތަންތަން ހުޅުވާލެވޭނެކަމަށް ސަރުކާރުން ހާމަކޮށްފައިވެއެވެ. އޭގެތެރޭގައި ހިމެނެނީ މޯބައިލް ފޯން ފިހާރަތަކާއި ކޮމްޕިޔުޓަރ ސާމާނު ވިއްކާ ފިހާރަތާއި ގޭގައި ބޭނުންކުރާ އިލެކްޓްރޯނިކްސް ސާމާނު ވިއްކާ ފިހާރަތަކާއި އަންނައުނު، ފޮތި، ފައިވާން އަދި ކުޅިވަރު ސާމާނު ވިއްކާ ފިހާރަތަކެވެ.
