އިތުރު 120 މީހަކު ރަނގަޅުވެ ކޮވިޑް-19 ޖެހިގެން ރަނގަޅުވި މީހުންގެ އަދަދު 608ށް އަރައިފި
33.24 އިންސައްތަ މީހުން މިވަނީ ބަލިން ރަނގަޅުވެފައި
ކޮވިޑް-19 އަށް ޓެސްޓް ކުރުމުގެ މަސައްކަތް ކުރަމުންދަނީ
ރާއްޖެއިން ކޮވިޑް-19 ޖެހިގެން ރަނގަޅުވި މީހުންގެ އަދަދު 608ށް އަރައިފި އެވެ.
ކޮވިޑް-19 ޓާސްކް ފޯހުގެ ފަރާތުން އަންގާރަ ދުވަހުގެ ރޭ ކުރިޔަށް ގެންދިޔަ ނޫސްވެރިންގެ ބައްދަލުވުމުގައި އެޓާސްކް ފޯހުގެ ތަރުޖަމާނު މަބްރޫކް އަޒީޒު ވިދާޅުވީ ފާއިތުވި 24 ގަޑިއިރު 120 މީހަކު ރަނގަޅުވެފައިވާ ކަަމަށެވެ. މިއާއެކު ކޮވިޑް-19 އަށް ޕޮޒިޓިވްވި މީހުންގެ ތެރެއިން 33.24 އިންސައްތަ މީހުން މިވަނީ ބަލިން ރަނގަޅުވެފަ އެވެ.
ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ތެރެއިން ބަލިން ރަނގަޅުވާ މީހުންގެ ނިޞްބަތް ދުވާލަކަށް %27ށް އަރާފައިވާކަމަށް ކޮވިޑް-19 ޓާސްކް ފޯހުން ވަނީ މީގެކުރިން ބުނެފަ އެވެ.
ރާއްޖެއިން މިހާތަނަށް އައިއިރު ކޮވިޑް-19 އަށް 1841 މީހަކު ވަނީ ޕޮޒިޓިވްވެފަ އެވެ. މީގެތެރެއިން ނިޔާވެފައި ވަނީ 7 މީހުންނެވެ.
