އުމުރުން ދުވަސްވީ އަންހެނުންތަކަށް ޖިންސީ ގޯނާކުރުމުގެ ތުހުމަތުގައި ޒުވާން ފިރިހެނެއް ހައްޔަރު ކޮށްފި
29 މެއި 2020 | ހުކުރު 13:09ޖިންސީ ގޯނާ ކުރުމަށް މަސައްކަތް ކުރީ 66، 65 އަދި 64 އަހަރުގެ މީހުންނަށް
އައްޑޫ ސިޓީ މަތިން ނަގާފައިވާ މަންޒަރެއް- މި ހާދިސާ ހިނގާފައިވަނީ މީދުގައި
އުމުރުން ދުވަސްވީ ތިން އަންހެނަކަށް ޖިންސީ ގޯނާ ކުރަން އުޅުނު މައްސަލައެއްގައި ޒުވާން ފިރިހެނެއް ހައްޔަރު ކޮށްފި އެވެ.
ފުލުހުން ބުނީ މިމަހުގެ 28 ވަނަ ދުވަހުގެ ހެނދުނު 10:35 ހާއިރު އައްޑޫ ސިޓީ މީދޫގައި 64 އަހަރުގެ ދިވެހި އަންހެނަކު ރޭފް ކުރަން އުޅުނު މައްސަލައެއް ފުލުހުންނަށް ހުށަހެޅުމާއެކު ފުލުހުން ބެލި ބެލުމުން އެއަމަލު ހިންގި މީހާ މިމަހުގެ 28 ވަނަ ދުވަހު އިތުރު 2 މީހަކަށް ޖިންސީ ގޯނާ ކޮށްފައިވާ ކަމަށެވެ. އެއީ 66 އަހަރުގެ ދިވެހި އަންހެނަކާއި، 65 އަހަރުގެ ދިވެހި އަންހެނެއް ކަމަށް ފުލުހުން ބުނެ އެވެ.
މިމައްސަލައާ ގުޅިގެން ކޯޓު އަމުރެއްގެ ދަށުން މެއި 28 ވަނަ ދުވަހު 30 އަހަރުގެ ދިވެހި ފިރިހެނެއް ވަނީ ހައްޔަރުކޮށްފަ އެވެ. ފުލުހުން ދަނީ މިމައްސަލަ އިތުރަށް ތަހުގީގު ކުރަމުންނެވެ.
