ފައިސާ ދެއްކުމާއި، ބަޔާން ހުށަހެޅުން އަދި ރަޖިސްޓްރޭޝަންގެ މަސައްކަތްތައް އޮންލައިންކޮށް ކުރިއަށްގެންދެވޭނެ: މީރާ
27 މެއި 2020 | ބުދަ 15:41އީމެއިލް މެދުވެރިކޮށް ޓެކްސް ކްލިއަރެންސް ހޯދޭން
މީރާ ހުންނަ އޮފީސް އިމާރާތް؛ އޮފީސް ބަންދުވިނަމަވެސް ގިނަ ހިދުމަތްތަކެއް އަންނަނީ ދެމުން
މާލެ ލޮކްޑައުންކޮށްފައިވުމުގެ ސަބަބުން އޮފީސް ބަންދުކޮށްފައިވީ ނަމަވެސް ފައިސާ ދެއްކުމާއި ބަޔާން ހުށަހެޅުން އަދި ރަޖިސްޓްރޭޝަންގެ މަސައްކަތްތައް އޮންލައިންކޮށް ކުރިއަށްގެންދެވޭނެ ކަމަށް މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ބުނެފިއެވެ.
ނެޝަނަލް އެމަރޖެންސީ އޮޕަރޭޝަން ސެންޓަރުގައި ބުދަ ދުވަހު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ކޮމިޝަނަރ ޖެނެރަލް އޮފް ޓެސްސޭޝަން ފަތުހުﷲ ޖަމީލް ވިދާޅުވީ ލޮކްޑައުންގެ މުއްދަތުގެ ތެރޭގައި މީރާގެ މަސައްކަތްތައް ކުރިއަށް ގެންދާ ގޮތަށް ހަމަޖެހިފައިވާނެ ކަމަށެވެ. މީގެ ތެރޭގައި ފައިސާ ދެއްކުމާއި، ބަޔާން ހުށަހެޅުން އަދި ރަޖިސްޓްރޭޝަންގެ މަސައްކަތްތައް އޮންލައިންކޮށް ކުރިއަށްގެންދެވޭނެ ކަމަށެވެ.
އޭގެ އިތުރުން އީމެއިލް މެދުވެރިކޮށް ޓެކްސް ކްލިއަރެންސް ހޯދަން ބޭނުންވާ ފަރާތްތަކުން ކްލިއަރަންސް ހޯދުމަށް އިންސްޓޯލްމަންޓަށް ބޭނުންވާ ފަރާތްތަކުން އިންސްޓޯލްމަންޓަށް އެދި ހުށަހެޅޭނެ ކަމަށް ފަތުހުﷲ ވިދާޅުވިއެވެ. އަދި ޖޫރިމަނާ މައާފްކުރުމަށް އެދި ހުށަހަޅާ ފަރާތްތަކުގެ ކަންކަން ވެސް ބަލަމުންދާނެ ކަމަށް އޭނާ ވިދާޅުވިއެވެ.
މީގެ އިތުރުން 1415 އީމެއިލް އިން ވެސް ޓެކްސް ދައްކާ ފަރަތްތަކުން އެއްވެސް ކަހަލަ އޮޅުން ފިލުވާކަމެއް ހުރެއްޖެނަމަ އެކަމާ ބެހޭގޮތުން މައުލޫމާތު ފޯރުކޮށްދެމުން ދާނެ ކަމަށާއި، މައިގަނޑު ގޮތެއްގައި މީރާގެ މަސައްކަތްތަކުގެ ތެރެއިން ގާތްގަޑަކަށް ހުރިހާ މަސައްކަތްތަކެއް ވެސް މި މުއްދަތެއްގެ ތެރޭގައި ކުރިއަށްގެންދެވޭނެ ކަމަށް ފަތުހުﷲ ވިދާޅުވިއެވެ.
